當我仲讀緊中學嘅時候，除咗出去打街機外，亦會打PC遊戲。曾幾何時，Grand Theft Auto Vice City有好多毒男（喂！）追捧。梗係啦，RPG遊戲喎，而PC版都可以下載現實世界嘅車，令到隻遊戲更加真實！ 遊戲開始時，主角喺一間好二十世紀二十年代風格嘅酒店開始佢嘅任務。當打爆一個大關之後，就可以喺第二度開始打，如此類推直至打贏大佬。 若干年後，同家人去郵輪旅行（喺美加華人圈子，唔去郵輪好似對唔住自己咁㗎！勁多阿直阿嬋追捧喔！），喺邁阿密上船。但係同得屋企人去，唔係話去邊就去邊㗎嘛。印象中有去過Miami Beach食嘢，但係都係走馬看花...直至上個禮拜。 話說，小弟工作上嘅需要，去咗邁阿密幾日。我先前做咗少少資料搜集，聞說Miami Beach，特別係Art Deco District值得去。咁既然一場嚟到，搞掂哂啲嘢就揸Zipcar一轉啦。點知一入去Miami Beach嘅Ocean Drive，成個感覺係我進入咗遊戲裡面！ 冇錯，GTA Vice City正正就係以邁阿密為藍本！ 啱啱入咗去Miami Beach區 怎麼可能？起亞Morning美國冇出㗎！唯一解釋係車主喺墨西哥運上去再經過好鬼麻煩嘅程序先出到牌。 開始眼睛想旅行啦噃！我哋主要專注於Ocean Drive先！ 點擊圖片放大 +2 行巷仔都有意外收穫㗎！ Walgreens果然識揀。 South Beach路牌 Ocean Drive一帶酒店食肆臨立。勁多相去睇喔！ 點擊圖片放大 馬來亞春色綠野景致艷雅（誤） 點擊圖片放大 Art Deco District，顧名思義就係呢帶嘅大廈全部被翻新成1920年代嘅風格。屬於歷史建築㗎！ 入黑後，七彩霓紅燈一著，整個環境回到八十年代，好似劇集Miami Vice咁款！ 點擊圖片放大 +8 呢種感覺就對了！ 第二日全日同第三日朝早開會，冇離開酒店半步。 完哂會議後其實仲有五六個鐘頭先去機場，所以又再入番去Miami Beach啦。日頭同夜晚嘅感覺當然唔同，但一定有夏日氣息。 有郵局去寄明信片喎！ 日頭泊咗部富豪 呢間嘢就真係架勢堂啦！呢個係設計師Versace嘅故居嚟㗎！ 點擊圖片放大 +4 Appearing at the right place at the right time. 泊低部Zipcar喺市中心後，就搭地鐵出機場啦。冇計，的士堅係好貴！ 少少趣事：邁阿密多拉丁裔人士（感覺仲多過喺三藩市同洛杉磯！），操西文仲多過英文。我問清潔阿姐點去機場點搭車時，佢話英文唔多靈光！好在我略略識幾個西文詞彙，再加上Google Translate就搞掂！唉，書到用時方恨少。 點擊圖片放大 就係咁，我喺邁阿密嘅旅程就結束了。 打開機嘅網友，不如我哋重溫GTA Vice City全部任務嘅片段吧！（五個鐘頭直落！）似曾相識嘅感覺，就係如此。GTA Vice City All Missions HD
