各位網友,我番嚟啦!今日係大年初一。小弟喺度祝大家身體健康、出入平安、笑口常開!的確,如果身體孱弱嘅話,點去旅行呢?點去出差呢? 點解成個一月都冇update呢?冇計,冇出差、冇落美國、冇嘢睇。但係呢,有好嘢介紹都會盡快介紹嘅。就好似1/17咁,加拿大富豪舉行咗全新XC90首展會,只限受邀請人士參加咋!咁我細佬(!)唔知點樣就收到邀請,叫埋我去囉。 (係呀,Volvo呀。拜托唔好叫佢做「沃爾沃」呀。作為幾代車主我實啤啤貢㗎!哈哈!) 喺度介紹部車實在太多嘢寫,在此不贅了。我又唔係寫汽車專欄嘅,但係相就大把。 等緊揭幕 由於首展會係以酒會形式進行,所以都有好味嘅嘢食㗎! 瑞典威士忌!都幾易入口喎! 好好味嘅牛肉 揭幕瞬間 各位網友:富豪XC90...新登場! 點擊圖片放大 Swedish heritage, yo! 六萬加幣(未連稅)起跳都唔錯。唔知到時香港賣會幾錢,但我諗七十萬應該走唔甩。不過咁,二千cc車牌費平啲,揸得過。再者,雖然富豪早幾年俾吉利汽車收購咗,但係富豪仲係獨立自主,總部仲喺哥德堡,品質無可致疑。君不見舊富豪今日仲行得就得! 寫到呢到先。下次介紹魁北克省滿地可,同大家搵好嘢食!吃貨們敬請留意!