平時去紐約都好少去到local到唔local嘅地方，而格林威治村係其中之一。當地人亦稱格林威治村為西村。咁好明顯就會有東村啦。（東村仲local！不過可惜冇影相。下次去嘅時候再詳細介紹。） 原來格林威治村早期係中產人士嘅社區，所以環境都唔差。後來亦成為藝術家攞靈感嘅地方添。不過對我嚟講就冇計啦，唔係讀藝術出身，真係識條鐵咩。聽聞咩嘢美式波希米亞主義亦由此而起... （維基網咁講㗎。有冇讀藝術嘅網友幫我去了解一下？） 直接睇相啦。 點擊圖片放大 +6 泊咗部Vespa仔 咦？咖啡店喎。好，偽中產上身先。（咁我係咪擺咗鬍鬚曾上枱？） 是日有聖誕特別blend，咁我當然試吓啦。照平時習慣，乜都唔加，當kopi O咁飲。（住過新加坡嘅朋友，你懂的。） 點擊圖片放大 +2 背景中嘅店舖係英式茶舖。咁啱有部Cooper仔泊咗出面... right place at the right time. 點擊圖片放大 番外篇：幫定大家搵靚位倒數。 喺呢段時間去紐約嘅網友，唔去時代廣場睇倒數肯定對唔住自己嘅。我去到嗰時，其實仲有廿日先新年。早去早享受囉！ 按美國人習慣，有誼萬歲必播。不過我都明本土人嘅習慣㗎啦：留番畢業禮先唱啦。 ...好想倒數完大唱「熱烈地彈琴熱烈地唱」（小鳳姐召喚！）哈哈！ 望北，唔啱㗎。 望南。睇到個頂未呢？咁就啱哂啦。 認住啦喎！ 六千二cc平治經過。一個字：正。 七號大道夾四十四街一帶，唔會行錯！ 都就嚟聖誕啦。小弟祝大家聖誕快樂，平安是福，主恩常在喔！睇嚟都要喺2015年先繼續update啦。繼續嚟臉書專頁交流吓喎！
