寫呢篇遊記嘅時候，好明顯我人喺紐約啦。雖然每次去紐約都係公幹多，但係一有自由時間呢，點都會孭住個背包趴趴走嘅。 今次主要係介紹North Little Italy，簡稱NoLiTa！有名俾你叫啦，家陣紐約嘅意大利社區都算係developed好耐。當然如果你聯想到黑手黨之類嘅文化，呢個係後話啦。 教堂後院嘅墳場再望遠少少... 喔。有怪莫怪，當我細路仔唔識世界... 闖入休憩區 XDDDD 點解今次會去呢？兩個原因：打書釘、食西班牙嘢。 不過食嘢之先，打吓書釘先啦。 今次打書釘嘅地方唔係Chapters, Indigo, 商務嗰啲，係民營嘅McNally Jackson Books。除咗賣書，甚至內有咖啡館外，其他嘢賣呢（例如文具、寫信紙、心意卡等等）都好有特色添！總之唔會令大家失望嘅。 講得係民營嘅點會益大商家呢？所以喺紐約想做創作實有機會。 香港？一定有，不過一定要諗辦法。唉，盡在不言中，（轉華語）你懂的。 如果想去紐約而要做research嘅話，呢啲書幫到你。 書局設有製書器材！嘩，如果有網友想將自己嘅遊歷製成書集，呢個係機會啦！ 剛好遇著讀書會添！ McNally Jackson Books 52 Prince Street New York, NY 10012 +1-212-274-1160 好啦，都行到咁上下就去食晚飯啦。 今次係會特別介紹一間新開嘅Tapas店（開咗兩個月左右），叫做Barca。 點解會搵到呢？多得OpenTable呢個app嘅幫忙囉。 眾所周知，食得西班牙嘢點可以冇tapas同西班牙海鮮飯吖？ 點擊圖片放大 +2 紐約太熱啦。整杯Sangria水果酒降吓溫都唔錯。 啲小菜嚟啦。唔解釋，自己睇。 點擊圖片放大 +4 主角：傳說中嘅西班牙海鮮飯... 登場！ 聞說，西班牙海鮮飯以華倫西亞為正宗。他日有機會去西班牙嘅時候，當然會點呢鑊飯啦。 講起飯焦... 侍應姐姐見我用木鏟去剷啲飯焦，佢就遞個鐵匙羹我，仲話我哋真係識食喇。過獎過獎。香港飲食文化之應用啫。 不過叫咗幾碟tapas加個飯都未夠飽... 加餸！ 就係呢碟炸薯仔就啱啱好食飽啦。 我亦聞說西班牙人好興好夜先食晚飯，仲一食就幾個鐘添！我諗牆上嗰幾個元素正正就解釋西班牙人嘅生活態度。固然，我哋都可以。 BARCA 244 Mulberry Street New York, NY 10012 +1-212-775-0112 第二日，食完lunch後都係發口痕。再去番打書釘嘅地方hea陣後，去食churros當下午茶。我諗唔使點特登介紹點食吧？睇相！ 點擊圖片放大 香口嘢，少少就夠嘅。 La Churreria 284 Mulberry Street New York, NY 10012 +1-212-219-0400 唔知其他網友去紐約有乜好食嘅地方推介呢？嚟我個臉書專頁討論吓吖！
