執筆之時睇緊世界盃決賽；德國對阿根廷。 除咗波士頓市中心外，其實仲有兩個鄰近城市都值得去：Plymouth同埋Salem。雖然Google Map話可以搭巴士去，但係費事有乜延誤而影響旅程，所以就決定租一日車啦。 喺美國除咗向主流租車公司租車外，另一個選擇係使用汽車共享嘅服務：Zipcar。我讀大學嗰陣已經申請做會員，可以喺北美洲主要城市租車。雖然還車時一定會泊番喺原本攞車嘅地方，但勝在包電油包燕梳！（但係會有$750 USD嘅deductible，要注意喔！） 喺十七世紀時，英國啲清教徒為咗可以更自由地敬拜神，所以就離開英國嚟到新大陸開始新生活。而佢哋第一個落腳點正正就係Plymouth！ Plymouth有兩個最值得去睇嘅景點，就係Mayflower II Replica同埋Plimoth Plantation。買飛時記住買包括兩個景點嘅飛喎！ 前者係睇當時清教徒坐嘅船，後者係睇當佢哋嘅社區建設。有啲類似香港嘅歷史博物館同埋渥太華嘅Canadian Museum of History，但係有人扮演當時嘅人講解生活狀況。好過癮㗎！ 點擊圖片放大 +7 佢哋嘅GPS 海岸線很美 以下你哋睇到嘅係清教徒到新大陸後，立石為記。 點擊圖片放大 +2 由於天雨嘅關係，唔敢留太耐，睇完Mayflower II Replica後就驅車去Plimoth Plantation啦。由於影勁多相嘅關係，以下係小弟嘅精選喔！ 點擊圖片放大 +8 嗯，有Part 2喔！睇波先。（擱筆時零比零。心臟病咩？）
