係睇牙哩方面自己都還算資深，唔知係唔係細個戈陣唔注意口腔衛生定係遺傳，導致我四十未到，已經做過補牙，杜牙根，牙周刮治。正所謂「久病成醫」，身邊fd牙齒有問題嘅時候都會問下我解決方法，不過問得最多嘅都係，去邊度睇，邊個醫生手勢好，夠負責哩種問題，所以就專登寫篇blog分享下自己嘅經驗，俾大家可以參考對比下。先講下洗牙同補牙，我諗大多數人都體驗過。其實洗牙我一般都係去黑沙環衛生中心洗嘅，首先係近啦，因我住北區，再者係衛生局免費服務，但就係醫生比較求其，洗嘅效果可以話合格，但未算話好好。要提醒各位最好每半年就洗一次牙，最遲都係一年一次。 補牙嘅話，我去過鏡湖整，約嘅系卓恩醫生，因為好多人讚佢手勢好，價格就肯定比較貴，我補隻牙要$900，效果幾好，補完後嘅牙齒到宜家都冇乜問題。後來有聽同事介紹拱北維港，係香港牙科集團，自己也去體驗過，關閘過去都近。而且補隻臼齒只需要$300，幫我睇嘅係陳雲平醫生，名牌大學碩士畢業（澳門牙醫基本都係暨大），專業度我個人覺得都比澳門高。跟住重點講下杜牙根方面，事緣當時係維港睇嘅時候，因長期牙痛都有讓醫生檢查，醫生話我另外一隻大牙已經蛀到牙神經先至會咁痛，所以補牙冇用了，需要做杜牙根（但衛生局未check出問題），杜牙根佢地有套餐價杜隻牙+牙套只需$2300人仔，我睇咗下澳門嘅杜牙根價錢，發覺鏡湖，高X德，齒X都係$4000以上仲未包牙套，就決定係哩度整，前前後後複診四次，差唔多一個半月完成療程，過程中都冇特殊情況發生，啱戴上牙套嘅一個星期會有小小唔習慣，不過後來覺得同真牙咁冇太多區別。綜上總結，澳門睇牙就肯定系貴架啦，可能放心d（畢竟兩地監管唔同，同埋都經常聽到長者話係大陸整牙後需要翻澳門執手尾），而且方便唔駛過關，不過係本澳睇牙，我都係推薦去鏡湖或山頂（好似宜家科大醫院都有牙科），醫院夠有保障。大陸睇牙對比澳門咁係就平啦，但醫生資質都係參差不齊，同埋網上都有新聞話會有醫德唔好嘅醫生夾硬hardsell，如果唔小心都好易中大伏。但都有品質好嘅牙科，甚至服務方面都比澳門做的更好。所以大家見仁見智，選擇適合自己嘅先係最好。仲有平時嘅口腔護理要到位，早晚刷牙，可以買電動牙刷或者衝牙器，都好好用。
