有冇精華控嘅讀者們?我都自問係一個精華控,抱住搵大牌平替為目標不斷試新。今次要記錄依款係幾年前我獨遊德國,誤打誤撞情況下發現嘅好物。 德國遊嘅朋友仔都知,德國有兩大藥妝美妝店 - DM同Rossmann都係當地出名嘅藥妝店,多到同便利店差不多。當時我住慕尼黑火車站附近的青年旅館,附近就有間Rossmann,在旅館做好資料蒐集就出去買。依款係一款安瓶,有好多台灣博客主都推介,當時我買時名為叫Rival de loop,依家已改名為ISANA。平時精華就經常聽,近年先陸續出現安瓶產品。安瓶係濃縮精華液,可以在短時間內把肌膚提升到最佳狀態,用於即時修護。每次用量不可以過多,有機會營養過剩就會狂生痘痘。介紹入面指出,實驗表明此安瓶具有超強持續性,2小時後依舊能提高36%的皮膚含水量,4小時後仍能保障提升22%含水量。 每盒有7小瓶2ml安瓶液,玻璃獨立包裝衛生之餘又可保證活性。改名後更十分貼心地每盒提供開瓶器,新手都可安全啪開安瓶。依款安瓶帶小小香味,質地偏向精華不太濃稠,份子偏細上面後十分容易吸收。摸落去即時水潤同細緻咗,上妝更貼服,難怪台灣化妝師都人手必備。重點價錢不高,弟弟遊學時都幫我帶咗幾十盒回港。 💶:€ 4.99雙倍玻尿酸補水精華新包裝另加維他命B5雙核透明質酸保濕因子主要成分鞘脂,玻尿酸和大麥精華,可去除面部細紋褶皺讓皮膚回復彈性重現細嫩