唔知大家去旅行鍾意早出晚歸用盡每一日，定係瞓到自然醒，慢慢嘆早餐先再出去閒遊一下呢? 柴柴平時去旅行都係懶洋洋一族，通常每日都拖到十一二點先出去放電架。不過今次出發前做過功課，好多blogger都有介紹過早上的查理大橋比較寧靜少人，完全係另一番感覺咁話! 所以在布拉格的第二日7點就出發，去! 晨! 運! 由於唔係住查理大橋附近，所以要先係酒店坐電車到再沿住伏爾塔瓦河(Vltava)慢慢走。無特定路線，因為我地相信只要沿住條河，一定會去到查理橋嘅!!! 8-) 市內好多電車路線都經過 Zborovská (地圖上星星位置)，大家可以check下邊架車方便你地，記得要留意埋電車行駛時間呀!! 早上嘅電車好少人，坐低睇下沿途風景你已經會覺得咁早起身爬出黎係抵嘅，因為布拉格每條街都係咁靚~~~~~ 隨時都會有驚喜，例如我地架車就會經過Dancing house，不過柴柴未瞓醒影唔切相啦 :)) ( 當然，如果住河附近嘅朋友梗係可以全程用腳行~~ ) 沿途非常寜靚，左邊係一排的古舊建築 (柴柴就唔係好識佢地係咩建築風格...:P)，右邊就係伏爾塔瓦河加藍藍天空。有當地人出來晨下運，當然都有狗狗跟主人一齊放電放電。 呢度對出係個叫Střelecký ostrov的小島~ 查理大橋已經好近!!!!! 行前少少就已經踏入左康帕島(Kampa Island) 由這條小路上去就係我地嘅目的地啦!!! 登登!!!!! 到左啦!! 同之前一日堆滿哂人真係好大對比!! 右邊可以望番頭先經過的"橋底"，絕對係影相位 橋上每一個位都係咁靚，不過柴柴最喜歡始終係城堡區 :)) 全程行左半小時左右，慢慢邊走邊感受另一面的布拉格，推介俾喜歡寧靜的朋友!! 更多 Chaiveller 遊記, 可like 我地facebook page: 柴遊世界 The Chaiveller
