好耐未食過廚師發板 ，人地話識食就一定要食。我都知道，但系荷包都要稍微有d力量先支持我去食架。好彩今日有另一半嘅荷包支持姐。 廚師發板最講次序，亂小小都唔得，會影響唒整餐飯的味道。今日的前菜系海葡萄蕃茄沙津，唔知幾時開始好中意食日本嘅蕃茄，拒嘅質素同香港嗰d無得比。酸酸甜甜，又多汁，唔會有草青感。 第二輪就系刺身拼盤，又忍唔住想唱首歌*拖羅。。拖羅。。拖羅。拖羅。一見到拒我就忍唔住。厚切，無根，鮮味。 金目魚同池魚系平時小見的，味道口感都較煙韌，有另類不同的味道。 海鮮加了100蚊轉日本海膽，要食梗系食好d喇！嗰種creamy 感，難以形容。 之後就系令萬千少女著迷的海膽飯，我一路坐一路數住拒用幾多排海膽，足足有7排，非常足料。下層仲會有一層吞拿魚蓉，而最低的飯不容忽視，系赤醋打的飯，比起白醋來得香，還散出陣陣的甜味，一流。 點擊圖片放大 到熟食了，蟹甲羅配多士。唔使一次過大轉變轉熱食，來個多士配蟹膏，慢慢的迎接下一個味道。 天婦羅出現了，全日本的食菜，大蝦，日本紫心蕃薯，日本南瓜。甜，爽，滑，滿足。 最後還來了個燒雞翼，說真的到海膽飯我已經陣亡，幸好朋友個胃挺大的，為我守住個尾門。 每一次食廚師發板， 嗰種期待的感覺系最喜歡的，因為你唔會知道有乜嘢食，廚師只會問你有乜唔食。到嚟嗰陣時特別嘅感覺，真系好開心。 鮨一日本料理 G One Sushi Japanese Restaurant 分店資訊 尖沙咀店 地址：尖沙咀厚福街12號藍馬商業大廈18樓 (港鐵尖沙咀/尖東站 B2 出口) 電話：3705 9227 營業時間： 星期一至日：12:00-14:30; 18:30-23:00
