Cheesecake Factory 對於香港嚟講可能有啲陌生，因為始終都係香港嘅第一間店舖。但係對於有喺美國生活過嘅人就是顯得10分之熟悉。而佢哋嘅評價都係幾好，首先第一個就會講話個份量係好充足，另外講個味道亦都十分之好，再者就係話拒嘅芝士蛋糕選擇非常之多元化。 當日大概兩點鐘嚟到，如果坐吧枱嘅話呢就完全唔需要等位就可以直接入去，如果想坐得比較舒服啲嘅話呢，就只需要等15至20分鐘，其實都唔算等得耐。 入到去第一時間咁梗係就睇下個Menu有幾多種芝士蛋糕可以食啦，一望落去成20幾種蛋糕，全部都係芝士蛋糕，真係要諗食乜嘢都起碼要諗10幾分鐘先決定到。 甘就選左個主食先喇。。但主食都有成幾十個。。。救命。最簡單的方法就係。。望到邊個就食邊個。因為佢嘅份量都幾多，所以兩個人就點左一個半份嘅烤火雞三文治，另外再加多一個長通粉。 本分嘅烤火雞三文治份量就剛剛好，入邊嘅火雞餡非常之多，再配買青瓜，蕃茄同埋椰菜味道唔錯。咁除咗三文治之外佢旁邊仲有一座山咁高嘅沙律菜同埋一碗蘑菇湯，呢個蘑菇湯真係好好味！除咗一感覺係鮮蘑菇之外，佢忌廉仲非常之濃。 伊芙琳最愛長通粉，聽個名其實完全唔知係咩黎，但係因為拒特別嘅名就揀咗呢個試下，長通粉係粗長通粉，咬落去好煙韌。入面有茄子，蕃茄，肉同西蘭花加埋煮，味道酸酸甜甜，有好重嘅橄欖油香味，同埋香草味，十分不錯。 跟住梗係到咗主角芝士蛋糕啦，如果睇過Menu唔知道揀乜嘢蛋糕食嘅話就最好出去個cake shop到睇，嗰到顯示晒佢咁多種蛋糕嘅真身。見到邊件啱嘅就可以直接同佢講又或者番埋位再叫都可以。 我就選左鮮香蕉芝士蛋糕，其實香蕉芝士蛋糕就係新鮮香蕉切片伴原味芝士蛋糕。呢個芝士蛋糕嘅質感就比較軟身，咬落去會好似食緊慕絲咁樣。芝士味唔算十分之濃，但係都足夠，有少少似日式嘅半熟芝士蛋糕。 整體嚟講都係好正，不過如果一個女士來說要食一件其實唔係甘容易，特別係拒嘅曲奇邊，又脆又有牛油香，感覺加了點焦糖，非常之重口味。 埋單170蚊，以份量同埋質素來講係勝價比高。但建議最小兩個人嚟食，甘樣先可以食多d嘢，如果得一個嘅話，食到主菜又食唔到個芝士蛋糕。 地址: 中國香港九龍尖沙咀廣東道25號海港城海威商場G102號舖 營業時間 星期一至六: 早上11點 - 晚上11點 星期日: 早上10點 - 晚上11點 電話: (852) 2791 6628
