除了泰國之外，馬來西亞係另一個渡假的聖地。今次嚟到沙巴，享受一下陽光與海灘。途中亦不忘享受一下美食。 沿海嘅地方當然海鮮豐富，價錢相宜。今次為大家介紹下餐廳之外的海鮮選擇。中央菜市場係街市，下面由魚，肉，菜，生果到玩具雜貨都有。 二樓係熟食中心，有本地的居民吃本地嘅菜式，其中有一家在角落的係做海鮮加工的，是由唐人經營的，會有大大隻字寫住海鮮加工。 今日去到唔知叫做好彩定唔好彩，主力加工的龍鳳餐廳今天沒有開，但老闆娘剛在，幫我地問左拒隔離店幫我地加工，好彩他們都肯。所以建議大家要去之前打個電話比老闆娘問下穩陣。 介紹了這間為我們加工 開始時係沒有同我地講實加工的費用，但係講大概10蚊馬幣之內一個款式，視乎味道同海鮮而定。最後我們的加工費係100蚊馬幣，8個菜式。即係大約港幣200蚊。 海鮮係要係後面的超小鐵皮屋買的，近海邊的，就正正係中央市場後面。可以選自己愛吃的，特別推薦係大大只的沙白蜆，大過一個手掌，先8蚊rm 一公斤，我地就買左4蚊rm有4隻。 大眼雞，4rm有3條。 肉蟹都係4rm有一隻，即係8蚊港幣左右。去邊到塭。仲要係生嘅，識郁架。 大蝦，雖然係冰鮮的，但係十分就大隻，大概10rm一隻，值得食。 唯一係度唔建議食的海鮮係龍蝦，價錢十分之貴，比起香港的價錢貴一倍有多。係香港食仲抵過拒。 至於煮法就推薦呢到最出名的鹹蛋黃同奶油的煮法。兩者的味道差不多，但鹹蛋黃更覺惹味。不要以為係香港的黃金煮法，它的味道不同的，濃而不辣，甚至撈飯都適宜。 還有提提大家不用買菜，餐廳一向都有菜提供的，都要比下人賺下嘅。另外就係肉類，如果唔係中意食肉的話就可以不買，因為呢到嘅人唔識整肉，都係就甘煎。都係食較特別的海鮮好。
