居廬進家門聽起來個名就好似好中式咁樣,而個門口嘅設計都係中式嘅住宅式設計,本身諗住入面一定係食中菜,點知出面個餐牌係以西餐為主再加埋啲甜品,感覺有中西結合感覺,好特別。 點擊圖片放大 一入到去就見到有幾幅中國式嘅畫,望落去有特別感覺,有震撼感。最令人吸睛嘅就係入邊有好多植物,而全部都係真嘅,清新舒服。 午市做緊套餐,有幾款唔同嘅選擇。今日就叫咗美國嘅西冷牛扒,套餐除咗會有餐湯之外仲會有蒜蓉包,沙律。整個份量量非常之大。 今日嘅餐湯就係忌廉蘑菇湯,蘑菇全部都係用新鮮嘅蘑菇製造,爽口又新鮮。再配埋啖啖忌廉味,口感豐富。 牛扒叫了4成熟,比起出面的4成略為熟點。但口感剛好,質地煙韌,有濃厚嘅牛味。我最中意係拒無論係頭盤或主菜都有大量沙津菜,岩唒中意食菜嘅人士。 聽說呢一度嘅黑松露薯條喺呢度必要嘅菜式,平時唔係好鍾意食薯條嘅我都叫咗呢個小食。 熱辣辣嘅薯條用竹籃盛出,仲有隔油紙隔去多餘嘅油。熱辣辣的薯條,外面脆,入面軟熟,香口。再加埋嘅特製黑松露醬,有忌廉口感,超好食。 火腿拼盤,有巴拿馬火腿,沙樂美火腿,仲配埋芝士同橄欖,惹味提神。 甜品就選左呢到嘅皇牌,士多啤梨窩夫。不妨同大家講其實我係睇到呢一個士啤多啤梨窩夫嘅相慕名而來的。實物同影相個樣一模一樣,都係非常之吸引,好似士多啤梨花咁樣,精美奪目。 入面還暗藏玄機,就係紫薯蓉。沒有加工的紫薯蓉散發出天然的味道,既香且甜。再配埋上面的士多啤梨雪糕,簡直係天作之合。 太子呢個區本身比較小很過來,但係附近的確有很多不錯的餐館。像這裡的,除了午餐外,晚上還可以飲番兩杯,無論係環境定食物都輕易取勝。 居廬晉家門 太子基隆街119號地舖 扒房, 西餐廳, 意大利菜 2338 8224