位於銅鑼灣啲咁嘅黃金地段，食一碗麵講真七八十蚊真係走唔甩，但係貴之餘仲要睇佢嘅食物質素好定係唔好，好先值得食。 牛筋腩係呢間的重重重點推介，好耐都未食過咁好食嘅牛筋腩。而家出面通常整嘅牛腩都係清湯牛腩，呢到仲保留整柱候牛腩，其實呢重牛腩講就好容易，話出面就咁買個醬汁自己都可以整，但係我好肯定自己完全唔會煮到呢一陣味道出嚟。 牛腩嘅味道炆到恰到好處，既有牛嘅味道亦都有柱候的醬汁味，濃而不膩。口感軟熟，特別係牛筋，滑不溜口，又吸收唒牛的味道，認真係超正。 仲有一點我發現特別的係佢所選用嘅薑，並唔係普通的薑，而係老薑，特別香，味道特別重。 除咗牛腩之外，呢度嘅粥佢主打嘅係南瓜蓉粥，可以配豬肝，皮蛋或者瘦肉，今次我就陪左揀雞。一入口粥好濃稠，非常鮮甜，啖啖南瓜肉，係一種天然嘅甜味亦帶有南瓜香。 另外個蝦子雲吞撈麵亦都唔錯，個撈麵會配有一碗清湯。雖然呢度嘅雲吞唔係大隻，但係入面都食到有一隻隻鮮蝦，味道仲好鮮好爽。 初頭入去以為佢係一間有好多分店嘅傳統店舖，但係原來都淨係銅鑼灣同埋新界區有一間。希望拒會愈開愈多，又保持住甘好嘅水準方便我去食，哈。 利園山道67號寶榮大廈地下F舖 SHOP F, G/F PO WING BLDG, 67 LEE GARDEN RD, CAUSEWAY BAY 星期一至日 07:00-22:30 2504 3123 明爐燒味、優質粥麵
