去花墟買花，必經過的這條街，我被它強勁的韓流音樂吸引了我入去食個韓燒，一入到去，正播放韓國女子樂團的強勁音樂，地方都好狹窄，客人都唔介意，邊燒邊食邊傾談，完全融入食的文化。 點擊圖片放大 五花腩，半肥瘦適中均勻，一邊燒，油份滲出，肉質香口，有焦香，肉汁流出，點上韓式醬料，包上生菜食，口內充滿了肉汁。 安格斯肉眼扒，略嫌肥左些，灑上了香草，增添了香味，肉質嫩滑，一陣陣牛香味漂出，口感層次分明。 原粒大大隻帶子，非常新鮮，只需燒烤一陣，就可以食，食落彈牙爽口，完全唔韌，咬落仲有汁流出，唔需要加上任何調味，鮮味十足。 豬肋骨，調味入肉，肥瘦平均，肉質爽口，肉汁彈出，咬落有口感。
