一直覺得歐洲風景如畫，到處都係美輪美奐的建築物，隨便走都可以拍到好照片。可是當我真正踏上這片土地，就會發現現實與想像真的是有分別。 而我遇到的落差比下圖的情況更嚴重。(圖:羅馬許願池) 風景未如想像中美，唔緊要！多人，唔緊要！因為至少都叫有見過嘛！ 但係我呢一次，係連一眼都望唔到！面前見到的並唔係網上所見過的美景，而係一個又一個工程圍板！ 見到呢個畫面，個一刻我剩想諗到「女神唔屙屎」呢句金句。 見到景點進行大規模翻新工程，就好似一心諗住見到女神充滿仙氣既一面，點之最後只係見到脫俗的女神都會有屙屎的一面。呢個落差係有少少難接受嘅！ 我見到的係咁： 其實歐洲的景點不嬲都會有定期小維修，但景點大翻新就真係好日都唔會有一次，不過我就好好彩咁遇左幾次囉！ 雖然個一刻的確好失望，但好快就習慣啦。畢竟呢啲歷史建築好日都唔修繕一次，咁都比我撞到，一定係我好彩！好彩到可以買六合彩。(完全展現阿Q精神) 另一次係遇到博物館翻新： 點擊圖片放大 其實呢度最想提醒大家一件事，出發前除了要留意景點的開放時間，仲一定要留意有無特別安排，免得自己失望。 根據本人經驗，冬天去歐洲中伏的機會比較大。由於冬天日短夜長，唔少景點都開放時間會縮短。由於旅遊淡季，亦有唔少建築會選擇係呢個期間暫停開放，進行維修。 除左出名的景點翻新，其實歐洲各地都有不少建築地盤。如果拖喼行過呢啲地盤都幾麻煩下，因為石仔路唔易行。 雖然建築地盤唔討好，不過巴塞隆納的聖家堂就例外啦！(明顯大細超) 其實如果呢啲古蹟唔定期維修，咁又點可以保存至今時今日！遊客又點可以去朝聖呢！所以真係見到都唔洗失望嘅~~~~~ (自我安慰中) / 時刻想旅行的廢青記錄在世界亂闖的點滴 / 好想旅行 HoseungTravel
