每次去日本最中意就係去便利店！返酒店之前去一去，一早出門又去一去，總之成個Trip不時都會走去便利店轉個圈！雖然香港都有好多便利店，但吸引力就大大不如日本啦！唔好以為便利店剩係得劣食，日本便利店不知幾多好野！ 日本最常見的就是LAWSON、7-11和FamilyMart呢三間便利店，雖然同是便利店，但其實各自都有自己的主打商品，就好似LAWSON甜品最出名、FamilyMart就炸雞最好食、而7仔就關東煮最吸引。所以話呢，就算日日行便利店都唔會覺得厭！ (扮)專業推介 便利七大 1. 炸雞 雖然唔係即炸，但食落唔會好乾，而且雞肉仲幾嫩滑。雖然FamilyMart最好食，不過其實LAWSON都唔差。 2. 飯團 3. 焦糖布丁 呢兩款唔洗多講啦！就算亂買都唔會中伏！ 4. 關東煮 冬天食特別覺得好味！ 5. 卷蛋 LAWSON旗下有一條轉出甜品的Line <Uchi cafe>，大部分出品都好吸引！本人最中意就係卷蛋，非常軟滑！如果係香港食，分分鐘要過百蚊！ 6. 7仔牌的果汁 過去飲過提子汁和桃汁(並非上圖款)，味道唔會太甜同太假。重點家庭裝都只係一百円！真係平過飲水！牛奶都好抵飲架！下次再介紹其他飲品~~ 7.Häagen-Dazs雪糕 去日本食haagen dazs是常識吧！日本比香港多超多款口味，而且價錢又平！無記錯的話3間便利店的價錢都是大約二百幾円。雖然超市買會比較便宜，但唔係成日都經過超市呢。 其實便利店仲有好多正野，下回繼續！ 有興趣入黎睇下 -> 好想旅行 HoseungTravel
