真係好耐冇寫Blog今日要介紹近年常用嘅新款手袋雖然疫情嚴重咗 都冇點出街不過睇返自己舊年嘅相來來去去都係拎住嗰幾款手袋所以今日我要做一個happy sharing價格由$300幾~$30000幾都有第一款係「Levi’s牛仔拼布斜咩袋」 容量大 加上斜咩袋非常之方便最重要就係我好鍾意牛仔布佢成個拼色都好靚前面嗰兩格 可以放電話或者紙巾哈哈哈…(好廢話)不過嗰日casual wear拎出街真係好好 而且如果疫情好啲去做運動嘅日子都需要拎大容量嘅袋到時就可以經常咁出動呢一個袋啦第二款係「LOEWE Hammock抽繩包」 佢有好多個size不過我就揀咗最細嘅Mini size因為我覺得感覺會的骰d 可愛好多但係mini size得來 又唔會裝唔到嘢銀包、手機、紙巾、鎖匙、唇膏呢啲全部通通都可以放入去 而且佢仲可以手拎或者斜咩 白色嘅牛皮為主側邊就配搭深藍色嘅布料索帶同埋孭帶都係深啡色組成成個顏色配搭都好好睇我覺得好適合夏天使用好有去陽光海灘嘅感覺第三款就係我經常用嘅「BOY CHANEL HANDBAG」 因為佢係黑色所以啱晒我呢啲咁粗魯嘅人用因為會襟污糟...哈哈哈而且加上係牛皮 會耐磨好多呢個款式亦都好多衫都襯到所以平時出街真係好方便無論係casual wear或者斯文嘅造型 都可以輕易carry到架我自己就買咗細size因為我覺得拎上身比較啱我d希望大家仲有今次嘅包包分享亦都希望疫情快啲完結最緊要大家要身體健康大家可以睇吓我嘅YouTube分享---------------------------------------------------------------Facebook: https://www.facebook.com/luicayin/Instagram: https://www.instagram.com/luicayin/YouTube: https://www.youtube.com/c/cayinlui
