秋風起，貓人肥！ 又係時候四出搜羅月餅來孝敬屋企人，今年貓人預備咗多款冰皮月餅，滿足咀刁嘅為食貓家族！ 其中嘅和風新驚喜系列 ~ 西尾抹茶，簡直讓貓人心心眼！ 將迷你冰皮荳蓉月餅，融合了來自名古屋嘅西尾抹茶精萃，拼合出抹茶焦糖爆脆、抹茶拿鐵及抹茶紅豆3款新口味！ 抹茶焦糖爆脆 ~ 甜蜜蜜裡有回甘，口感層次幾豐富，軟中爆脆兼爆趣！ 抹茶拿鐵 ~ 白色奶油流心效果令人垂涎欲滴，好似細味一杯滑溜溜嘅拿鐵咁寫意！ 西尾抹茶系列屬輕便裝，1包有兩個月餅，同一口味。作為抹茶控嘅貓人，揾機會要試埋呢個系列餘下嘅抹茶紅豆味先！ 而另一系列則為「冰皮玲瓏四色伴官燕月餅」禮盒裝，內裡包含1個標準裝冰皮官燕豆蓉月餅、每款各2個迷你豆蓉冰皮月餅，口味分別為：黑芝麻、心太軟朱古力、芒果及經典綠豆蓉，即一盒總共9個冰皮月餅。 心太軟朱古力 ~ 一口咬開時猶如朱古力噴泉在咀裡瞬間爆發，味道適中而不會太甜膩。 流心黑芝麻 ~ 每啖可感受芝麻糊嘅棉密細滑，so sweet！ 其餘嘅芒果及官燕冰皮月，就留待中秋再壓軸品嚐啦！ 大班冰皮月餅 https://www.taipan.com.hk/snowymooncake.html #為食貓 #港人港味 #香港製造 #約玉兔過中秋 撰文及拍攝： 世外貓人 一隻有魚唔食的貓，來到地球旅行，秉承遊戲貓間的精神而過日晨，以貓步周圍遊，以喵喵聲分享食玩情報！為了成就地球之旅，貓人也曾經在廣告及旅遊業闖蕩一段日子，逗點盤川再向前踏步。 Contact世外貓人 : Email: catswalknplay@gmail.com Facebook: http://www.facebook.com/catswalknplay/ Instagram: http://www.instagram.com/catswalknplay/ **版權事項: 以上所有圖片及文字皆由世外貓人一步一腳印拍攝及撰寫，並於獲授權之媒體 (包括U Blog)發佈。如有任何團體、公司、媒體（包括網媒、社交媒體、專頁及博客）有意採用，請與世外貓人聯絡，謝謝！
