盛八連火鍋都做埋 真係講得笑 90 分鐘任食放題主打係牛 當然仲有任飲 , 任食刺生同甜品啦 火鍋店係旺角區 不過我搵左好耐都搵路到 我決定打去問下 聽電話個人教我係銀城同百老匯中間個條“後行”行入去 係就真係好快 不過一個女仔就真係唔好自己一個人行囉 我個朋友到左本來想拎位先 點知個店長話check唔到我booking (因為我由A日子改左去B日子，可能我太早book啦) 不過好彩最後都比我地入去 盛八日式火鍋放題店環境寬闊 枱同枱之間都唔會覺得好迫 我地立即把握時間 叫左個湯底先 叫2種湯底都係加＄18 我就簡左韓風泡菜併黑蒜豚骨濃湯 店員好快手就比左一碟“飛驒牛”（日本和牛） 咩係“飛驒牛”？ 佢就係連績2屆得到「全國和牛能力共進會」最優秀食用牛獎 地位比神戶牛發松阪牛更高 係咪好正先 個湯一滾 我就立即放幾片落個湯度 嘩！真係好柔軟 油花分佈好平均 味道甘香 真係一片接住一片食呀！ 雖然好食 不過“飛驒牛”＄388依個set 係可以叫4款不同牛架 （日本和牛）、澳洲和牛、特選牛、美國牛肉 當然唔可以唔試晒啦 澳洲和牛 set $298 唔可以滾太耐 因為口感粗糙 但牛味濃郁 特選牛 $198 這個我以為是跟價錢較次級而口感會更差啦 又唔係啊喎 滾耐左都仲好柔軟 好果唔想咁貴食“飛驒牛“set可以選特選牛set 最後道係美國牛肉set ＄178 比起“涮涮鍋“嘅牛好好多 而且＄178真係好抵 衝完一輪 係時候食D菜同丸了 種類多又新鮮 醬油都好多款比你併個夠 點擊圖片放大 少許熟食、甜品、刺生、前菜及飯 我最後都係不停吃“飛驒牛” 食得盡興 真係連傾計都唔想呀！ 食個飽好過啦！ 提外話 如果想去試下 有個叫“火焰雪山鍋”同藥膳長壽豬骨湯都幾special 火焰雪山鍋係即席燒香蛋白後 加入3．6牛奶豆乳湯 我事後先知咁特別 真係好想快D再去試多次呀！ 盛八日式火鍋放題店 地址 : 旺角通菜街1A-J號威達Deli 2商業大廈3樓B室 Tel: 2616 0960 / 2616 0939 www.morihachi.com.hk Blogspot / TheZtyle / Pixnet / BeautyExchange / She.com / iTrail / Elle / Salad / wordpress / mySina / F&B / UBeauty /Qooza / Qooza Beauty / We Share / my Age / BlogDB / Facebook: https://www.facebook.com/cathyking527 Fanspage: https://www.facebook.com/cathyskingdom Weibo: http://weibo.com/cathyking Instagram: http://instagram.com/cathyking Email: cathykinghk@yahoo.com 「試食由盛八日式火鍋放題店提供。此乃個人感受」
