平時見到D日本或者韓國女星，個個擁有一對迷死人既電眼，我成日都好想試下，可惜資質所限，學極都學唔到佢地精妙之處...... 但估唔到依家只須要三支筆，就可以簡單打造迷人眼妝~ 收到日本Momotani既三枝眼妝筆，左起分別係： 臥蠶淚袋眼影筆、完美兩用眼影眼線筆，及娃娃完美睫毛膏 先用完美兩用眼影眼線筆畫上眼線試試~ 眼線筆既顏色係較為柔和自然既黑色，另一端係啡色眼影，質感幼細閃亮，不過輕易掉色，用手輕揉已經將眼影推得只剩下閃粉。眼影既粉末响筆蓋入面，扭開筆蓋就會見到，只要左右扭動筆筒便可以重新沾上粉末。 眼線只須要用溫水就可以完全卸除，既具便利性又有持久性，化左一整日妝都無化開，就知佢防汗、防淚水~ 點擊圖片放大 眼線筆既筆頭扁平柔軟，非常容易控制眼線既粗幼，連我呢個化妝新手都輕鬆畫出一條完美眼線~ 另一端既眼影筆，可以提升眼睛亮度加強立體感，扭開蓋就會見到眼影粉末，左右扭動沾上粉~ 點擊圖片放大 +3 然後再用臥蠶眼影筆~ 呢個係無辜大眼妝必用既臥蠶眼影筆，金色既眼影筆有特製珠光微粒粉，可以令雙眼更大更立體。 臥蠶眼影筆內含水溶性骨膠原，透明質酸，維生素E，維生素A，增加水潤成分，可防止眼部肌膚乾燥、沉積色素。臥蠶眼影筆既防汗防脂防水功效，好過兩用眼影眼線筆既眼影部分，輕揉下顏色仍在。 點擊圖片放大 +2 使用辦法超簡單，只須响眼下位置畫一筆即可，打亮之餘更可以分散光線注意力，黑眼圈都無咁明顯。 筆身易控制，化妝唔熟練都容易掌握~ 而筆頭軟身唔會拉扯到眼部幼嫩同薄既肌膚，上色亦一流，細細力一畫就緊貼眼皮，閃閃既珠光令眼妝更立體分明楚楚動人！ 夾好睫毛後，就到用娃娃完美睫毛膏既時候~~ 睫毛膏既質感好輕好順滑，令睫毛無負擔。窩心設計增加左特製小刷頭，可以加強效果同照顧較短少既睫毛、在眼頭、下睫毛使用非常方便。在沒有使用睫毛夾的情況下，都可令睫毛捲翹和分明。 點擊圖片放大 特強對抗汗水、淚水及油脂，唔怕熊貓眼出現尷尬，亦減少睫毛因汗水油脂而下塌既機會，捲曲持久一整日都絕對沒問題。 受邀於Beauty.Ulifestyle.com.hk 及 MOMOTANI試用此產品
