依家市面上逾九成既洗頭水都含有矽油，因唔加矽油，洗頭時頭髮非常「鞋」會難以梳理。所以為了增加髮絲既順滑質感，唔少既洗髮產品都加入左「矽」呢種化學成份，但係「矽」雖然能令毛鱗片之間既空隙填滿而增加髮絲順滑感，不過最大問題係「矽」呢種物質溶唔到响水，好難徹底清洗乾淨，於是日積月累之下，髮絲就會因而變得厚重、失去彈性，造成毛囊閉塞，令頭髮缺氧，影響頭髮生長，令頭髮容易脫落。嘩...... 聽起黎都覺得好恐怖！！ 好彩，近排知道日本既美髮品牌Molto Bene推出左蘿婕亞花果酵素修護系列洗護產品，選用無矽配方修護頭皮，以無阻塞、無殘留、唔厚重為賣點，由內至外滋潤髮芯。 整個蘿婕亞花果酵素修護系列，包括有蘿婕亞花果酵素修護精華油(左一)、蘿婕亞花果酵素修護洗髮露(左二)、蘿婕亞花果酵素修護護髮乳(左三)、以及蘿婕亞花果酵素修護護髮膜(右一)。 一打開個蓋，陣陣香甜花味飄散出黎，令人有種如沐春風既戀愛感覺~ 而且配合埋可愛甜美公主設計風格，簡直一見愛上！ 透明質地既洗髮露，只須輕揉就可以產生大量豐盈柔滑既泡泡！ 份量唔須要太多，以我中長髮黎講，大概用5蚊銀份量已經足夠洗晒成個頭。 洗後唔會乾，而且感覺清爽~ 然後用埋護髮乳深層修護頭髮，可潤滑髮絲，用後感覺極度順滑！！ 呢排天氣乾燥，頭髮毛燥問題開始困擾住我，一於試埋修護護髮膜，輕輕按摩頭皮，等一陣再洗走佢，頭髮乾左就即時見到變得滋潤柔順，唔再有頭髮絲唔聽話飛飛下既情況出現~ 掂！ 隔日再响頭髮半乾時用修護精華油搽响髮尾，由於係免沖洗配方，朝早抑或夜晚用都非常方便簡單。修護精華油內含多種修護保濕成份，包括乳木果油、橄欖油、猴麵包機油、摩洛哥堅果油、杏油和荷荷巴油，令頭髮進一步順滑如絲！有板俾你睇架~~ 「受邀於Beauty.Ulifestyle.com.hk 及 MoltoBene試用此產品」
