終於完滿結束了五天的行程。全個旅程有驚無險。都幾刺激。上山下水咩都玩齊。初時怕會好悶又怕好危險又怕污穢，未試過去個旅行咁鬼驚。網上資料又極之少。完全唔熟悉情況。仲要拖大拉小兩家人。真係未出發都有啲壓力。 今次我們乘撘菲律賓航空公司由香港到馬尼拉再轉機到薄荷島。由於香港没有直航機到薄荷島，一定要在宿霧/馬尼拉轉機或船到Tagbilaran City。加上去Tagbilaran的飛機經常delay，所以我們也呆等了2-3小時呢！ 終於等到了轉機咯，2個小可愛行近這大飛機時，之前的悶氣馬上消失，換成超級興奮唷！ 經過飛機Delay 我地終於安全到達Tagbilaran機場 之前網上預訂了包車到酒店。但原來一行出機場都會有好多車等你問價去邊。啲人都幾Nice既你唔需要都唔會再煩你。大約由機場30分鐘車程，我們終於去到South Plams Resort。由於我們到達時已經夜晚，所以放下行李之後便馬上到酒店餐廳吃個晚餐。點擊圖片放大 第二日 一大清早 終於見到世外桃園喇 [心心眼] 嘩！個景靚到好似假咁。於是便待在Resort玩了一整天。當然小朋友可以玩水已經開心到不得了。我們房出面有個小型按摩池，一行出去的一片私人海灘，再加隔離就是游泳池。2家4隻小鬼由朝早起身玩玩玩到黃昏都好像不懂得累一様。爸爸們一邊看顧住他們一邊日光浴。媽媽們當然去了聽著海浪聲地做Spa。 點擊圖片放大 +2 第三天 我們便包車Day Tour到出外逛逛。 Visit Tarsier 只有手的權頭咁大隻既monkey...好難先搵到佢地 但小朋友看得很開心. Loboc River Cruise and Floating Restaurant 撘船係條河上食Buffet, 野食都OK, 跟住會帶你去到一個景點, 有得睇菲律賓舞, 仲有人會係船上唱歌. 你睇爸爸和哥哥跳得幾開心. 沿途景色都靚 Bilar Man-made Forest 到此一遊咁啦. 無咩特別~ 最後當然要去bohol最著名的chocolate hill, (harry potter取景地之一), 對於第一次玩ATV既我 仲要載著阿仔, 初時都有啲驚驚地, 點知越玩越High, 不過係後面有啲食晒沙塵咁囉. 之後都唔夠時間去Bee Farm參觀，只去咗買D蜂蜜手信 就要返酒店咯. 第四日 當然要出島玩下啦 呢到famous水很清 果然小朋友只用游水泳鏡已經可以睇到好多海洋生物. 準備出發出島玩咯! 大小B睇到大海龜睇得勁興奮 仲可以見到Nemo 和 Dory 玩到唔願上水呀! 我們全程就是用呢隻船周圍去, 第一站去Balicasag Island睇大海龜 由於遊得太快 完全影唔到 雖然我無得出海dive，只係浮潛。但都已經見到好多魚，好似去咗海咩公園水族館，大海龜會係你身邊游來游去。簡直靚都不得了。啲水清到無朋友。 爸爸又可以出海Dive 之後再去咗Virgin Island 好特別的island, 呢水好淺，小朋友可以自由玩水，仲可以隨處都是海星。 島上仲有即開海胆，海參，燒螺... 第五天 旅程完結 返香港啦 原本11.40am飛機飛回馬尼拉 點知都係要delay 唯有係機場食下杯面等吓等吓 . 大小B都晒到黑忟忟 變咗賓賓仔 好采轉機返香港嗰程好準時起飛 準時返回香港，仲買咗個結他做手信。 這個旅途，我們經常跟包車司機閒聊，從他口中知道原來我地呢個係安全島。全部人都好peaceful，呢到連警察都唔需要。無論係酒店staff，包車司機，餐廳waitress ..etc都有求必應咁。每個人都好helpful，仲叫我地唔好去Cebu，嗰邊反而好危險！ PS. 係要提醒一下， 如果帶啲小朋友，最好自備幾支礦泉水，雖然食物幾OK，但小朋友容易水肚不服。
