5月新加坡之旅 朋友知道我鐘意 Lego, 他們計劃了出發所以問了我要唔要一起去~ 見就到時間~ 又睇下機票幾錢先!! 新加坡越來越多廉航，先看了看 Tiger and Jetstar, 價錢約 $1100-1200 (inc tax). 看來看去都是 Scoot 最抵, 今次買左 $602 (inc tax)!!! 真係抵過去澳門。而家久唔久去睇都沒有這個價錢的出現了﹕。 班機時間: 香港 0710 出發，回港 SIN 02xx 半夜機。返到黎剛好朝早，跟同事掉更返個下午更便可以了~ 4 日的旅程只請2日假都 OK 丫。Scoot 仲有得坐 B787, 手提行李有 10KG!! 今次的旅程最出位事件..... 莫過於我第一次走左班機! 同埋第一次即買機票即上機!! 事緣 0710 的班機, 人地有講明會一個鐘前關 check in counter.... 只不過通常真係唔會咁準時架麻, 諗住點都有 5-10分鐘 buffer 掛.. 點知佢真係無!! 最早的一班巴士出到機場去到 counter 剛好 0613 (*最早機鐵到機場都要 0615), check in counter 已人去樓空...... ^_^" 唯有搵人問... 因為是廉航的關係，只能問到 agent 的人... 小姐話佢地係好準時，因為要向新加坡果邊對數，所以好準時就收檔走人。好啦本身諗住 lur 下睇下有無得俾我 check in... 小姐話「無架喇 佢地走哂喇」 我「咁我可以點」 小姐「你即刻上網 book Tiger 啦，佢地同公司，我同你睇下... 仲有位! 你上網 book 會平過我向 counter 呢度同你 book」 我... 二話不說上網禁..... 1050 班機無位喎.... 跟手去 Jetstar 1045 有位仲要單程 $480 (inc tax) 仲唔拿拿林拎張咭出黎俾錢!!!! (*之後個小姐話... 用手機上網的話, mobile website 可能會 check 唔到班機有位，要用 Full website 先見到班機有位，買完之後再上 Tiger 睇返, 又的確係喎!!) 完全都無諗過佢會準時(雖然其實我覺得佢係早左... 只可惜自己真係遲左 3分鐘... 無計) 陰謀論的說，佢可能真係超級極準時地 0610 全部 staff 消失，跟住等你班岩岩遲既再 book Tiger. 不過即使計埋今次再俾多左程機票，前後加埋都只係 $1100 有找，都真係好抵，所以... 算啦~!! 回程搭返 Scoot 返黎都唔錯既，不過因為是半夜機的關係，全部人都訓大覺，所以無同 d 空姐接觸過，無為意到 service 好唔好.. 哈哈!! 不過架機幾新正，同埋個 design 好 cyber.
