無意中在 Ublog 一欄見到這個試食活動，為食既我梗係報左名先啦！成世人抽獎都無幾何抽中，今次竟然抽中左我喎！嘩 突然間覺得自己好叻！ 周不時都周圍搵食既我地，約一年曾因為有 credit card discount 而駕車入黃金海岸食過一次 Brunch buffet，記憶中是不錯的。所以對今次試食的夏日海鮮嘉年華十分期待呢。 未出發先興奮，上酒店官網睇下個自助餐既資料先。 星期一至五：成人＄488，小童＄298 星期六日及假期前夕：成人＄548，小童＄338 Credit card 平日有 75折，六日假期前有8折 剛好遇著三號風球，因為大風的關係室外的座位今日不開放。*室外的座位，泳池景，如有開的話其實晚餐應該幾好feel. 師傅努力準備燒豬中，炭燒燒豬 即燒即食 燒雞翼 淨係睇樣已經好壯觀 今次自助餐的主打 海鮮拼盤！太誇張了吧（這個是6人份的）限量供應的海鮮拼盤，每人有半隻龍蝦，鮑魚，花蛤，另外長腳蟹，紐西蘭青口，大蝦無限量供應。各式冷盤海鮮都好鮮甜味美，平時好懶食蟹既我，今次都食左唔少，因為長腳蟹真係好甜好正！ 其後發現原來出面仲有翡翠螺，同另一品種之大頭蝦！但當時已食到飽飽地喇，唔想浪費，每樣試少少啦~~ 另外熱盤中有個青咖喱, 微辣, 香味濃郁, 送飯一流!!! 室外的燒烤仲有燒大蝦, 燒菠蘿 (至愛!!!!), 燒羊 等等. 眼闊肚窄 真係食唔到咁多呢~~!! 刺身種類都有好多呢~~ 其他的各式美食, 不能盡錄~~ 點擊圖片放大 +3 另一重點推介 - 各式甜品!!! 用海洋做主題的甜品部份，光是睇都睇到眼花.. 不知從何入手呢!! 小朋友見到一定超興奮的!! (大朋友見到都好興奮~ 呵呵~~ ) 點擊圖片放大 加入薄荷味道既大菜糕, 味道好清新呢~~ 請問有邊個會捨得食呢隻鴨仔!!!!!? 自家甜點唔夠食!? 仲有無限量供應杯裝 Haagen Dazs!! 還有自助餐中比較少有的啤酒及支裝汽水任飲!! 黃金海岸的自助餐一向的水準都唔錯, 今次亦都食到攬住個肚走!! 唯一的美中不足是地點比較偏遠，不過酒店方面好像有市區接駁車~ 對駕車人士黎講其實係個不錯的選擇, 酒店有代客泊車，另外酒店附近亦有錶位。建議大家要先 book 台，因為當日星期五的晚飯人數都唔少呢~~ 不過地方寬敞所以不至於到有迫人的感覺~~ 而 Book 台時應可要求坐室外台, 食大餐之餘仲食埋個靚景!!
