這段時間旅行去不得，做Gym又唔得，要為自己放空，適逢一田年度大減價Part2，藉口為屋企打點一切之際，當然去「鳩嗚」一番。我最怕迫人，寧願一大清早10:00開門好過人踩人。超市裏大多貨品平得要命，唔買真係對唔住自己。日本蔬果、凍肉、乳酪、牛奶等......本著「大人唔食，細路仔都要食」心態，一於絕不手軟！前文介紹過日本士多啤梨種類，日本人食法便是把士多啤梨放在牛奶內，用匙羹壓碎，做出士多啤梨牛奶一樣。剛巧經過由日本製造，北海道日高いちごミルク（北海道日高士多啤梨牛奶），$15.xx/2包，阿姐介紹當然話好，即管試一試。。據聞日本網民綜合多種士多啤梨牛奶比較，有些味道太甜、有些味道太淡、更有些一陣藥水味。這款嚐過後味道濃郁，重牛奶味之餘還有淡香士多啤梨味餘香，孩子們愛不惜手，喝完還偷偷再喝一包！我唯有教導凡事不可過量。最重點這款士多啤梨牛奶只是在年度減價出現，想再買要等半年，可謂「一閃即逝」，有興趣就趁這個part2作最後衝刺！
