大家開始左留家抗疫未？瘦編因爲工作無得唔出去翻工，不過一收工都會盡快返屋企，唔會係條街留咁耐。今次為大家介紹一間係逆市中開店嘅外賣自取小店，希望大家都可以支持下。 -佢地叫做「Running Pig」，係一間韓式烤肉外賣自取小店，由韓國人親自主理及烹調，同店主傾計知道原來韓國係好流行依種烤肉外賣店，因為都唔想係屋企自己烤肉整到一大陣油煙味，又唔想洗野做清潔，聽完又覺得幾岩bo，訂套烤肉外賣套餐翻屋企，又有韓燒嘅享受，又唔使麻煩。 -今次我就揀左正宗韓式烤五花腩套餐 (2人)裏面有烤五花腩、每天精心挑選新鮮蔬菜、酸辣韭菜沙律、韓式醃蘿蔔片、炒酸辣泡菜、生蒜片、青辣椒片、包飯醬及椒鹽純芝麻油，可能因為韓國人主理，同埋食材都係由韓國空運翻黎，我覺得啲味道同平時係韓國食嘅好似，啲五花腩好嫩，肥瘦分明，食落唔會太漏。 -Running Pig (荃灣)荃灣青山公路491-501號嘉力工業中心B座10樓18室舖外賣自取或訂購熱線 6431 3527-歡迎合作試用·邀文·出席活動Email : cwycassie@gmail.comInstagram: @cassiecwy | @cassiegetfatFacebook: @cassiegotravelBlog: Ublog | Girlab | BeautyExchange | Blogspot | Girlssss免責聲明:本文章所發表的全部內容均屬個人意見及感受，並不代表該品牌之言論及立場。 如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。
