瘦編作為一個泡菜迷，最鐘意食嘅外國菜就係韓國菜！ 今日為大家介紹一間係荃灣嘅韓式小店「韓閣」，重點佢都係黃店， 所以大家可以大大力去懲罰。 - 店舖比較細，環境佈置比較似cafe，有很多精緻的小擺設， 但座位不多，一眼睇晒。雖然店舖比較細， 但係餐牌上款式好多，好多都係經典韓國菜， 價錢都相對較經濟，好抵食！同傳統韓國餐廳一樣， 落單後送上前菜，包括有泡菜、芽菜和菠菜。 - 推薦大家一定要叫芝士岩漿炒飯($82)， 飯本身用泡菜、辣醬、五花肉片一起炒，再加埋超多邪惡芝士， 輕輕一拉就有拉絲效果。另外叫左鐵板牛肉炒椰菜($62)， 味道是挺典型的韓國菜，偏甜，鐵板熱辣辣， 所以份外惹味，送飯一流，但比較油膩。 仲有一鍋真露煮海蜆($62)，真露味唔夠出， 但醒左蜆嘅數量好多，加埋兩杯飲品， 每人只需要$100多啲，好抵食。 - 韓閣 (荃灣) 荃灣路德圍運通街地下10M號舖 - 歡迎合作試用·邀文·出席活動 Email : cwycassie@gmail.com Instagram: @cassiecwy | @cassiegetfat Facebook: @cassiegotravel Blog: Ublog | Girlab | BeautyExchange | Blogspot 免責聲明: 本文章所發表的全部內容均屬個人意見及感受，並不代表該品牌之言論及立場。 如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。
