太子真係餃子世界大戰,豐信餃子店就係呢場餃子大戰中脫穎而出的既一間 👏🏻就係咁高壓既環境之下,先可以磨練出實力,更為食客帶黎一次又一次對味蕾既衝擊👊🏻 🌼 香菇鮮肉餃 配椰子海帶鮮雞豬骨濃湯餃子可以選煎餃或湯餃,我地兩款都叫左湯。而呢份香菇鮮肉餃就配左非常香濃既椰子海帶鮮雞豬骨濃湯。湯味帶住濃烈既椰子味同時帶有非常香甜既鮮雞同豬骨味。真係好可怕,如果佢淨係賣湯我都會買😎再講返餃子,餃子皮好薄,而且好滑,大家要小心餃滑!佢地真係好餃滑…食餃子又要點醋,但又咁滑…真係要小心d!餡料滿滿,比咁薄既皮包住,都仲可以包到滿晒,都真係幾犀利👍🏻香菇餡香口而且豬肉帶有好香既鹹香味,非常獨特。除左一除既陳醋之外,我仲試左d豆瓣醬。佢地既豆瓣醬鹹味較重,配咁鮮味既湯就非常合適🈴️ 🌼 小棠菜鮮肉餃 配酸辣湯小棠菜餡好脆口,豬肉同樣帶有鹹香味,非常香,不過呢份配既係酸辣湯,令鹹香味相對無咁出,換黎既係濃烈既酸辣味。豐信既酸辣湯唔同都般上海酸辣湯個種,佢地既酸辣湯唔係濃杰既,係少少似重慶個種偏湯水質地既,不過味道都好唔一樣。香酸辣於一身,而味道都唔似以上兩款酸辣湯咁會搶走餃子本身既鮮味,呢點非常重要‼️另外必須要提一提如果想點酸辣湯請三思叫唔叫芫荽餃,因為酸辣湯本身已經有大量既芫荽啦。 😂 香煎豆腐豐信除咗餃子,都有多款小食。煎得金黃既豆腐配上香蔥同胡椒粉真係好香口。 🌼 青檸蜜🌼 清熱濶喉羅漢果甘草茶呢兩款飲品就最啱叫煎餃或者酸辣湯既朋友啦潤一潤,清清熱 😉ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 豐信餃子店📍 旺角汝州街17號號A🚇 太子 A出口