「滑浪風帆？」「係呀，李麗珊個隻呢！」 多得風之后李麗珊，多左好多人認識呢項運動！ 簡單啲講，滑浪風帆係帆船(sailing)同滑水(wake-boarding)嘅合體，利用一面帆從風中得到動力，令帆板可以係水上滑行... 好難明？我都覺！記得第一次玩就係係康文署上堂，上左整個上午好似物理科嘅理論課，上完先知原來呢項運動係咁唔簡單！不過，我不嬲都鐘意啲有挑戰性、技術同用腦嘅運動，滑浪風帆就岩哂啦！今日就帶大家睇下滑浪風帆嘅箇中樂趣！ 首先，話到明風帆就緊係要有風！仲要夠大風同食到風！所以落到水第一件事就係要搵下啲風係邊吹黎，然後背住個風拎起塊帆。咪睇塊帆咁細塊，有風起上黎，分分鐘男仔都拎唔實！拎起之後將塊帆拉近自己，等佢食到風，咁就開始行得！ 識行之後就可以玩速度玩花式！不過以香港嘅風⋯都係玩速度算啦⋯如果個風夠大而你又夠大力食得住佢既話，以時速九十公里黎航行絕對唔係問題！想像一下，係一望無際既大海上，完全係皮包板既情況下以烈火戰車既速度去飛馳，呢個速度感同刺激感真係唔係隨便可以搵到！雖然拍攝當日風唔係太大，希望下面條片可以比你感受到係水上面飛馳嘅快感！去片！(我的教練戴上，你會看到最正確的風帆玩法！) 去片： http://youtu.be/4KtyqzUmKJ4 呢條片用咗Panasonic 最新的運動攝錄機HX-A500，呢部機最適合拍水上活動或刺激運動，因為一來佢有headset畀你戴上頭錄影，二來佢唔單止可以影到HD高清片，仲有「4K」，解像度比高清再高4倍！最最最適合的原因，佢係防水嘅！ 後記： 真心覺得其實玩風帆最緊要就係識得逆風行，如果唔係比佢吹左出太平洋都唔知咩事⋯ 精彩圖片： 點擊圖片放大 +2 截圖及影片: Panasonic HX-A500
