歡迎乘搭我既夢幻粉紅【肌】倉，我係你地既服務員，將會逐一介紹夢幻粉紅【肌】倉既粉紅系列產品啦~~~係介紹之前，先介紹一下我既夢幻粉紅Lancôme「盛夏粉紅Let’s Glow」Pop Up Store先~ 個日咕咕妹一去到，第一句馬上話:[嘩，媽咪，呢度好多花花，好靚呀~]，就係咁，我地就馬上lets go，衝入去睇下喇~ 一入到去見海量既粉色物品，包括有花，餅乾，飲品仲有產品，總之就係粉紅色控去到會馬上發狂既地方啦~ 咕咕妹第一件事馬上食朱古力先，睇佢食得幾滋味~ 而作為媽媽既我，當然最最最吸睛既一定係枱上既Glow'n Roses系列，今次呢個新系列加入左槐花蜂巢蜂蜜同甜杏仁油，可以幫助配方發揮優秀功效，而呢支玫瑰粉水更加可以幫大家保持最佳狀態，時刻保持水潤亮澤~~~~ 另外亦都有佢地最新推出既玫瑰糖粒磨砂霜同玫瑰啫喱保濕面膜 ，同樣都係保濕法寶。 先用玫瑰糖粒磨砂霜溫和去角質，當日我試上手，其實已經聞到陣陣既玫瑰花香，而且真係一d都唔刺激，磨完後手上既皮膚係無泛紅就知有幾溫和啦啦~ 之後試用埋玫瑰啫喱保濕面膜，真係會一試愛上，因為佢真係好似馬上將水份注入肌底，令我既皮膚係即時見到粉嫩亮澤。 而本身呢個pop up store係有做好多set裝 PROMOTION，而呢個store已經完左，但係，唔緊要，去到8月13號前去任何一間Lancome都有好多粉紅set 裝優惠，錯過左pop up store既sis 們都唔需要緊張~~~ 立即了解更多粉紅優惠：https://bit.ly/2zQ4pRp 而當日亦有好豐富既禮品俾我回家試用啊~~~當中包括左粉、Génifique 同Hydra Zen系列。 而個人對於佢呢個小包同護照套十分感興趣，因為佢呢個袋岩岩好可以袋到本passport、手機、電話同少少護膚品，就咁拎佢上機，真係手袋都可以寄埋倉呀~ 而首要介紹既一定係我手上既呢支粉水同Génifique ，唔好睇佢咁細支，夠用好多日架~去一個星期既旅行，帶呢個SIZE既裝就岩岩好喇~而用完個樽我亦都會留返下次旅行前再補充返落去~ 粉水既質地真係真係好厚身，難怪咁多人會當佢mask黎敷，而且佢真係用好少都夠我全面保濕，有時我都真係有個錯覺，覺得用完佢就已經可以去訓覺了~ 之後要介紹係人都認識既嫩肌活膚精華肌底液，我相信無人未見過，而且我本身自己都有用開，我個人覺得佢真係比一般精華易吸收好多，而且佢滋潤度好高，岩晒日日開冷氣訓既我，避免水份被抽乾，而且用後真係感覺皮膚十分飽滿，肌膚變得青春有活力~ 之後要介紹既一樣我用後都幾喜歡既產品，就係Lancôme 舒緩抗壓深層保濕乳液，佢有助保護肌膚免受壓力侵害，清爽既液狀質感，散發淡淡香氛。輕透乳液配方更有效舒緩同保濕肌膚，絕不油膩。以乳液黎講，佢真係好輕盈，而且真係潤而不笠，岩晒我呢d怕笠型人士。 最後要介紹呢三個CREAM，佢地其實各有不同，分別係舒緩抗壓保濕啫喱霜(第一)、舒緩抗壓保濕乳霜(第二)同舒緩抗壓保濕睡眠面膜(第三)，而佢地三個分別就係啫喱霜比較輕盈，無咁笠，保濕乳霜係日霜，比啫喱霜厚身。而最後一隻係over night mask，係我最愛，最保濕既一隻~ 好喇我既分享就到呢度，希望大家鐘意啦~~~ 免責聲明: 是次產品/產品資料由品牌提供，本文章內容屬個人意見及感受，並不代表該品牌之言論及立場
