上個星期日，我同咕咕妹出左去「香港世界牛奶日」2018 家庭同樂日玩，當日雖然有時驟雨，但都天公做美，有出太陽，我地去到時，剛剛就開始開幕禮，所以我地換完衫之後，就馬上開始玩lu~~ 唔知大家又知唔知，香港世界牛奶日係以「齊齊 Drink & Move ，同創健康家庭」為主題， 透過活動向大家推廣均衡營養、 進食充足奶類製品同恆常運動，特別係親子戶外運動既重要性。香港世界牛奶日亦鼓勵大家透過運動，將所消耗既卡路里轉換為牛奶飲品同捐贈俾香港婦聯既短期食物援助計劃「膳糧行動」(非政府資助項目)，幫助有需要人士攝取均衡營養 詳情請瀏覽： www.worldmilkdayhk.com 而大會亦都周圍設立急救站，非常貼心。雖然活動係網上預先登記，但現場亦有不少人士即場登記報名玩~ 登記完後，我地就馬上領到一張遊戲卡，上面寫住世界紀錄挑戰同「Drink & Move」 挑戰區 既時段，要係返個個時段先可以進場，咁我地就玩住同創健康家庭嘉年華先啦~ 而為響應環保，大會更係場內設立一個水站，歡迎大家自備水樽斟水。我個人十分舉腳支持~ 我地參與左度骨質密度、有關教育同清潔殺菌既攤位，部份攤位玩完遊戲仲有小禮物送~ 而最吸睛既當然係子母同黑白奶攤位，佢地現完有小禮物之外，黑白奶更送出奶茶杯套裝，所以人龍都比較長。 而場內亦有好多影相打卡位，當中我個人覺得呢個最可愛，由氣球組。而且旁邊仲有好多飾物頭飾俾你裝扮黎影相~ 時間不經不覺就到左「世界紀錄挑戰」--「連續六小時最多人次跳世界牛奶日健體操」，而大會亦有廣播提示唔同既時段家庭入場，而入到去，首先做好熱身，之後慢慢教大家舞步，再之後final大家跳一次，隻舞同歌詞太易上口，搞到我成日自己都會不自覺亨兩句。 而完成「連續六小時最多人次跳世界牛奶日健體操」之後，休息一陣，又夠鐘參加Drink & Move挑戰區，記我開頭個張遊戲卡嘛，係挑戰區內集齊四個活動印章，最後就可以去禮品換領處，領取「至fit 禮品包」同Drink & Move 大使証書，所以事不宜遲，馬上action。 其中活動有充氣床中搵返相應既牌仔、運送相應牌仔去終點及擺pose影相等，而當中仲有一個遊戲因天雨關係暫停左所以玩唔到~但其他遊戲，妹妹都係玩得好落力同投入~ 最後，玩到身水身汗，去領埋個禮物同証書就回家喇~而個禮物包入面既禮物十分實用~有牛奶2包、蚊貼、撤隆巴斯、奶粉試用裝、消毒液等等~ 如果今年錯過左既你，下年一定要留意喇~ 關於「世界牛奶日」 聯合國糧農組織於2001年將每年6月1日定為世界牛奶 日，宣揚奶類的營養價值及對健康的重要性。自始， 世界各地的社區組織及學校均以不同形式的活動鼓勵 學童多進食奶類，以改善全球學童奶類攝取不足的情 況 菲仕蘭（香港）響應聯合國糧農組織倡導的 6 月 1 日 「世界牛奶日」，提倡「齊齊Drink & Move，同創健 康家庭」，每年透過「香港世界牛奶日」慶祝活動， 以加強香港家庭對健康生活模式的關注和建立基礎， 包括維持均衡飲食、每日進食兩份奶類及每日進行累 計有至少60分鐘的運動 facebook page : 香港世界牛奶日 World Milk Day HK 是次活動由品牌邀請出席
