我相信諗起食米線就一定會聽過"譚x"，而我以前曾幾何時都真係佢既FANS，因為佢既湯底真係好鮮甜，但係由於佢過份擴充，加上中途又有兄弟反目而又再另起2個分派，所以佢地而家既米線可以真係好想講句"垃x，X圾"，但近日，有位PR既邀請，有幸去到呢間裕一品四川雲南米線，佢地雖然店面比較小，但就成為我既最愛，唔計我試食後，短短一星期我自己都再幫襯左3次，可想而之，我有幾甘鐘意食啦~ 其實呢間米線店，我老公成日都話聽過，但就係無行過入去食，今次去試食，我真心覺我有100個驚喜，驚喜1，一般既米線店講得出既配料來來去去咪又係雞肉、牛肉、墨丸.......呢度食有黑柏葉、墨魚頭、豬大腸，呢d我真係係第d米線店見唔到~ 第二個驚喜係，分量同料都真係好十足~食完至少我覺得係飽，可以捧住個肚好滿足甘走既，同埋整體店既員工都係有禮貌(呢樣真係好緊要，如果唔係食到一肚氣)。先講佢湯底，我覺得真係講得上清甜，唔會太鹹，食完亦不覺口喝。麵就略為偏淋身~但d配料就好足，而且個人十分推介墨魚咀，真係好爽口，好有咬口。而食米線另一個主要吸引之處就係小食，我個人覺得呢間米線店既小食價錢十分合理，而且分量亦唔會太細， 部份小食仲要係$10就有喇~ 而且只要LIKE佢地FACEBOOK，仲可以額外有一碟麻辣螺肉。 另外一定要推介既，就係香烤豬仔肶同埋口水雞脾~佢既口水雞係脾位做，而且食落口真係唔辣，只有麻既感覺，岩晒我呢D怕辣之人，而另外個豬脾仔係一定一定一要試，因為佢味道同土匪雞翼好似，而豬脾仔啖啖肉，所以成件事係好PERFECT。 最後一定一定要介紹呢個，$20下午茶 ， 三餸麵+汽水，連星期日都有呀~ 絕對稱得上是良心食店。 想試下既就可以去: (總店)九龍長沙灣青山道267號地下 Fb page : 裕一品四川雲南米線 好喇我既分享就到呢度，希望大家鐘意啦~
