呢個夏天正式開始喇~但唔是知大家會唔會覺得要著小背心或熱褲時會見到一個問題?就係手臂位同埋d手腳摺位位置都比較黑,而且而家先開始夏天既工程都算遲喇~所以要快,就要搵Kiehl's既全新溫和身體磨沙幫手喇~~ 今次試用既有三款溫和身體磨砂霜,包括西柚(Grapefruit)、芫荽 (Coriander)同薰衣草 (Lavender)香味,各有特色,想清新可以試下西柚,想RELAX d可以試用薰衣草,而芫荽個人覺得有少少SWEET感覺。 佢既質感好豐潤,而且氣味好芳香,佢可以能溫和有效甘更新肌膚,去除皮膚上既角質細胞,但唔會令肌膚乾燥繃緊。配方蘊含杏仁磨砂粒子同多種潤膚成分,有助柔滑肌膚,令肌膚如絲般柔嫩細緻,為滋潤步驟作好準備。而佢既粒子其實係好粗粒,所以對於一d好粗糙既位置,都真係會磨得好滑。 第一挑戰位置手背,手背既皮膚甘嫩,唔知甘粗粒既磨砂又會唔會磨到隻手紅晒,起晒粒粒呢?完全無事,我覺得佢好有趣,明明係好粗粒,但磨上手係一d都唔覺我好痛好"鞋",反而覺得呢個粗粒粒子係適中,磨既時候真係幾舒服,而且磨完後真係一d紅都無,個手背仲滑過豆花呀~ P.S左圖係未用前,右圖係磨完砂後。 之後第二個挑戰位係手肘位,手肘位係長期都好黑,所以一到夏天我就會係甘磨砂,但好多時因為呢d位太粗糙,用一般好細滑既磨砂係完全一D效果都無架~所以今次呢個溫和身體磨砂霜好有驚喜,佢直頭係令我既手肘位都變白返,去晒D陳年死皮。 P.S左圖係未用前,右圖係磨完砂後。 最後一個位,就係膝頭位置,亦都係有同樣問題,好黑,而且著短褲就一定見到,所以一定要搞搞佢。而其實我覺得佢用既分量唔需要多。少少都夠去晒表面既角質。 有D估佢唔到,效果最最最明顯係膝頭,左腳係無用,右腳係用左,嘩真係白到,好似做左laser一樣。俾你都唔信其實係一瓶磨砂就做到既效果。 而之後介紹既係豐潤保濕手霜,佢蘊含乳木果成份,可以防止水份流失,令手部肌膚回復柔軟;且具抗氧化同護膚功效見稱既維他命E;可以發揮全日保濕功效,令肌膚感覺水潤柔滑。 而有時我用HAND CREAM呢都唔會單單只搽手,亦都會搽下頭先磨過砂既個d位置,因為好多時都會忽略左佢地,而我覺得磨完砂後,再搽上佢地既豐潤保濕手霜係一個完美PERFECT MATCH,一搽上去推開打2次圈,就已完全吸收。絕對唔會令皮膚感覺同存在"笠"呢個問題。而且我最鐘意西柚個個味,真係好FRESH,有時做野做到想訓,打開蓋聞下都醒神。 好喇我既分享就到呢度,希望大家鐘意啦~ 以上產品由品牌提供試用 #KiehlsHK #kiehlsbody #kiehlsscent #gentlyexfoliating #richlyhydrating