呢個痴笠笠既天氣,除左好令人討厭之外,雖然外面既水分好高,但皮膚含水量下降,所以轉季除左要轉換輕盈d既skin care之外,亦都需要為皮膚補充水分,而近日CarTungBaby就去左IPSA既朗豪坊Pop Up Store,原來IPSA亦都改換左個新形象,行Lifestyle路線,每個角落都細緻舒適,展現IPSA全新生活態度,就等而家去睇下佢地既轉變啦~ 佢地既Pop Up Store一切都係以木色,好EARTH TONE為主,俾人感覺好柔和放鬆,而陳列既架亦都係木造,同我心目中既DREAM HOUSE所有既傢俬顏色係一樣,所以周圍既環境真係有d似一個好休閒家居感覺。 唔知大家知唔知,亦都唔知會唔會有一個同感,最能代表到IPSA既產品就係呢支透明頂底銀色既樽,但大家又知唔知佢叫咩名呢? 無錯,佢就係IPSA既皇牌產品--生肌水源素,佢可以為肌膚無間斷補水、鎖水、造水,重現水潤透亮肌,而佢唔係一支走天涯既,佢係可以根據你皮膚膚質,而揀選你皮膚適合既個支,TOTAL有成17款,一定有一款可以幫到你~ 而你又會問,點先知自己係屬於咩膚質,以下就係我要為大家介紹既,佢地有一部獨有既皮膚分析樣,可以搵到最適合自己既肌膚護理方案,例如check到皮膚水油比例,三角肌紋等等。去任何一間IPSA,都可以做到架~ 而今次除左有皇牌產品,亦推出左全新既輕盈透亮粉底液 SPF25 PA++,佢係一款4合1氣墊粉底液, 可以好似空氣甘輕盈、透亮妝感, 持續保濕, 抑制多餘油脂, 可隔離污染物同紫外線侵害。 而咕咕妹就成日都想去搞個D雲。 現場亦都有一個小suprise,就係我地有一杯棉花糖特飲,咕咕妹係咁成日要飲,唔俾返我~ 而今次呢支輕盈透亮粉底液 SPF25 PA++,total有3個色: LIGHT、NATURAL、MEDIUM,大家一試既時候,大家都wa左一下,真係好輕盈,同埋有d似bb cushion既感覺,但佢其實係一支粉底液來~~ 而當日當然有俾我地帶回來試產品啦~大家好想知有咩呢~~登登~有皇牌Metabolizer、The Time Reset Aqua同輕盈透亮粉底液(連咕咕妹都唔想放手,KEEP住拎住,最後佢要我俾個紙袋佢先肯放手)~~ 我今次試用既係生肌水源素,老實說透明中帶點金色,好有呢種黃金聖水感覺,頭先講過啦~佢可以為肌膚造水份膜層同鎖水屏障,將1000兆超微細補濕分子導入至肌底, 瞬間滲透,觸發肌膚自我造水,然後鎖緊水份,三重保濕確保肌膚持久水潤,亦有助其他護膚產品既吸收,可以改善膚質、暗瘡,控油抗痘同平滑肌膚,令毛孔變得更細緻,水潤飽滿,柔滑透亮 質感清爽水盈,倍效保濕架~ 我第一下搽完自己都真係有少少懷疑,因為佢搽上面個下就好有感覺,補水既程度同搽補濕精華相約,而且佢真係好快吸收,抹完之後再摸塊面係感覺好彈架~ 我十分推介各捱夜,極乾皮膚人士用,因為佢可以當MASK用TIM,而且你睇下,我用完係覺得塊面都馬上有光澤,而且好飽滿精神,係真係感覺後生左,最最最重要係真係用完d毛孔細左好多丫嘛~ 同埋我最估唔到係佢連D角質都抹走到,成塊面都黃左(市面好少有一支有齊晒補濕加去角質) 之後當然要用埋佢地既更生活化緊緻乳液啦~佢可以針對彈性同暗啞問題,緊緻肌膚,改善暗啞膚色,穩定細胞代謝節奏,令肌膚回復透亮彈性。 我真係幾鐘意呢支乳液既質地,佢好薄,而且好快被吸收,唔會搽完痴笠笠,再加上用完之後,我再感覺皮膚真係更加亮白呀~ 最後護完膚,當然要化埋裝啦~呢支輕盈透亮粉底液集四合一功效於一身:空氣妝感、控油、保濕及防UV,擁有氣墊粉底透薄妝感的優點,給予肌膚空間休息,同時具備修護同防禦功能,打造輕如空氣既偽素顏。 今次試用既顏色係natural(自然色),佢其實3個顏色都幾貼近,唔會話最白個隻色搽完白到好似鬼,最深色又唔會話黑到好似maria甘,係好貼近亞洲地區既人既皮膚顏色。 我係一位就算落街買野都要搽粉既人,原因除左係貪靚外,我係覺得街上空氣比較污糟,令皮膚容易沾上灰塵,而呢支輕盈透亮粉底液真係解決晒我所有問題,而搽上去第一個感覺,係真係似搽BB cushion一樣,好輕盈,亦都可以遮到瑕,而又唔會俾人感覺我係有搽到粉,成個感覺好似好神奇甘~ 好喇,我既分享到呢度喇~亦都好多謝IPSA既邀請同產品試用。