呢排凍到訓得唔太好~搞到我係有個大大黑眼圈，而且眼紋都爆晒出黎，我真係有D覺得自己好似老左好多年甘，好彩前排遇到Olay，佢既Olay Eye Cream系列就好似我既變身器一樣，令我雙眼變得明亮。而家就俾大家睇下我變身法寶啦! 首先介紹呢個Olay極緻全效眼霜，佢可以3合1有效祛除黑眼圈、眼紋同眼袋，對於急救係好幫得手，因為佢既蝦肉色調能可以有效遮蓋黑眼圈。而且佢係適合日間使用，所以唔使用太多concelor 都已經遮左七、八成既黑眼圈，加上佢既質地清爽輕盈，所以真係一種我叫佢做"神不知、鬼不覺遮瑕眼霜" 。 朝早潔面後使用；取適量係指尖，之後均勻塗抹係眼角同上下眼瞼，由下眼瞼從內至外，之後上眼瞼由外至內， 點按式塗抹至吸收。對熊貓即時無左，嗱嗱嗱~~~我真係無用遮瑕膏架!! 到左夜晚，女女訓左後就係我既世界，辛苦左一日，當然唔可以待薄自己啦~要用更有效既明眸雙旋眼霜同EYE 鬆急救棒，雙管齊下甘為我對眼黎個大保養啦~明眸雙旋眼霜係晚間可以重點修護黑眼圈，增強細胞能量，促進表皮層蛋白質既生成，並抑制黑色素到達皮膚表面，保護皮膚免受更多的紫外線損害。 而用法都好簡單，只需要係潔面後取少量係指尖，均勻塗抹係眼部周圍，例如眼底、外眼角同上下眼瞼，點按式塗抹至吸收。但當然要令明眸雙旋眼霜發揮最極致既功效，當然要配合埋EYE 鬆急救棒啦~以引流方式按摩，溫和甘促進眼部肌膚既膠原細胞新生，令眼霜中既精華深層滲透至肌膚底層，有效舒緩眼部浮腫同鬆弛，並加快淡化皺紋，更可達致放大雙眼既效果。 搽左Olay Eye Cream係眼部周圍，就可以用EYE鬆急救棒先係眼周輕按，然後帶到眉頭至眼眉之上，並伸展至太陽穴、耳前同腮骨後，以8字打圈重覆按摩3-5分鐘，令眼霜既精華滲透至肌膚底層。 按完我自己覺得最舒服除左係眼尾位置，仲有就係太陽穴，唔知係咪我按得多，我覺得頭痛都少左，所以最最最正係支 EYE 鬆急救棒，有時間真係唔怕做多幾分鐘。 好喇我既分享就到呢度，希望大家會鐘意啦! 以上產品由品牌提供試用
