早前，CarTungBaBy就去左Clinique既秋冬美粧魔法Blogger聚會，同時亦都好有幸成為左佢地聚會中既model，所以我應該係試齊晒佢地既秋冬美粧既"法寶"吧~有咩法竇? 而家就一齊重溫當日既聚會同埋我既試用心得啦!!! 睇下面個圖就知同"無瑕"有關啦~Clinique最新推出左一支遮瑕膏 + 粉底二合一既完美極緻遮瑕粉底 SPF 19 PA++，佢既質感輕盈無重，加上專利設計美粧魔法棒(我個人叫佢左勁量遮瑕棒)，每次一拎出黎就可以拎到最合適份量，令到粧容唔會過厚，同時亦都係12小個鐘持久抗汗水、抗油脂、不脫粧架~ P.S: 睇下左邊個支係勁量遮瑕棒，右邊個支係普通size遮瑕棒，真係差別好好好大LOR..... 到試上我面，由於我係model所以影唔到個過程，但個底妝完左之後，我真係覺得係好薄，同埋真係用好好好少分量，用不上一滴呀，就夠全面使用，勁! 當然除左有粉底之外亦有好玩味感重既眼線筆，平時見到既秋冬顏色都係以墨綠，寶藍，啡，黑等......呢D深色系列，但Clinique要一反傳統，加入左鮮黃，白，軍綠呢D較鮮色既色調，而亦都好上色，你睇手上畫出黎既色係同筆身一樣，無色差! 而今次既pops見到有個90s既鐘係度，即係代表用今次呢套秋冬美粧化一個全妝都只係需要90秒，對於早上趕返工，返學既女士們就絕對係恩物喇~ 現場既化妝師就幫我試用左鮮黃加深藍，就甘睇真係覺得有d誇既，但整體個妝就一D都唔誇，返而令對眼望落更精神! 好喇我學完，到我自己實習一下喇~ 我用既係62號色，佢本身有61-65號，我呢隻62號係較白同偏粉紅既色系。每次只需要抽出一下，就夠全面底妝使用。 而呢支粉底亦有另一個我好鐘意既設計，就係倒轉支粉底，亦唔會有野倒到出黎，岩晒我呢D媽媽喇! (萬一咕咕妹拎左都唔會倒瀉丫) 只需要係面上用點式點上粉底，先係額頭點3下，鼻1下，面珠1-2下，下巴1下。用海綿或手推開粉底，佢既粉底係好薄，所以唔會好易推到粉，而化好底妝後，係重點位置，例如黑眼圈，鼻翼同粒粒印位可以再輕點，再用印既方式印開粉底。 整個過程我用左約30秒就完成~ 持久輕巧眼線液，可以畫出順滑出色既眼線，佢既毛筆頭精巧尖細，眼線液質感柔滑容易掌握，有01 Black同02 Brown 2 隻色。今次我試既就係01 Black。 之 後到畫眼線，老實講，我真係好怕一d畫上眼度遇到眼水就唔上色既眼線筆，因為我都係怕怕地有野整眼，所以眨眼會好勁，如果再上唔到色，即係唔使畫架喇~但 Clinique呢支係我用過最上色，亦都最易控制既一支，因為佢筆頭都幾軟，隻眼唔會太抗拒，所以好快好定甘都畫到~ p.s: CarTungBaBy畫得唔好架~每次都係畫完之後，用棉棒框返圓條線出黎~ 最 後就係最緊要既眉， 完美塑眉霜就幫到我喇~佢係一支眉gel黎架，有效突顯眼部輪廓。可以全日防水防汗，而且纖細掃頭，非常輕巧易用。刷上後眉毛成日都keep全整齊。而佢 有4色可揀，Blonde、Light Brown、Deep Brown同Black。我試用既係02 light brown。 首 先揀眉GEL係要揀一支同自己髮色相近既顏色架~而我本身都麻麻地眉GEL，因為怕難控制，而且我眉看都幾長(左圖)，怕一落筆會好多，甘就成條眉會太突 出，但Clinique呢支一拎既分量唔會好多，輕輕係眉上掃幾下已見到著色(右圖)，而且用左真係成日都好整齊，就好似SET左頭甘樣，而佢最好係防 汗，唔怕條眉流黑汗喇~ P.S: 愛整潔，著重儀表既男士，都可以用啊!(我都老公都試用左，用完真係好睇好多，對眼會精神左) 最後成個妝完成喇~講真，好似真係唔使90秒呀，而成個樣都馬上變得精靈左~ 好喇我既分享就到呢度，希望大家鐘意啦~ 以上活動及產品由品俾提供
