早前咕咕妹係荃灣愉景新城過左一個好開心既兒童節，講緊既唔係4月4或6月1既個個節日，而係首屆「香港兒童玩樂節」，其實搞咁多野，目的都係想小朋友可以活動教學式遊戲學習日常家務，就等我帶大家睇下有咩玩啦~~~ 先 講下點解會有呢個童樂節先啦~其實係因為隨著時代進步，社會對小朋友既要求越來越高，有一定程度既壓力，而「香港兒童玩樂節」正正係想提倡「還孩子們一個 快樂的童年」既理念， 鼓勵家長用有趣既活動提昇小朋友既學習興趣，為小孩子注入正確既價值觀，等佢地建立獨立自由性、責任感同自理能力等。 位置係荃灣愉景新城，一出地鐵站一路由天橋過就非常方便，而且荃灣愉景新城亦可以話係小朋友野集中地，衣，食，住，行既小朋友野都可以係個度買到~而當閶第一個玩既遊戲就係呢個俄羅斯執玩具，其實我係家中有突咕咕妹執玩具，所以佢而家玩完玩具，只要叫佢"Tidy Up"佢就會自動自覺執搭! 而呢個遊戲概念幾好，學到執玩具之餘， 亦都學到要有系統放好d玩具，有D難度架! 而由於D玩具太大件喇~所以就由爸爸同咕咕妹一齊完成，好辛苦先搬到一件啊~~~加油!!! 之後就去左玩呢個晾衫波波池，主要係要小朋友係波波池中拎出D衫出黎，之後晾起佢~~ 玩呢個遊戲前需要消毒相手同著襪仔架~ 由於咕咕妹太細個，佢唔明咩係衫，所以一直都拎d波波出黎放係籃中以為又係要Tidy Up，但唔緊要，至少佢接觸過，會有個印象之咩係洗衣機，咩係衫同埋晾衫等呢d物件同動作! 玩完呢個之後就玩摺衫快靚正，故名思意即係考摺衫，係我強行，無問題~ 呢個遊戲，咕咕妹好用心聽姐姐講點玩同埋點摺衫，因為佢好奇，唔知點解要摺野同埋要咁樣做呀嘛~~~ 之後呢位小妹妹都有幫"手"架~不過都係由我呢位媽媽黎完成成個遊戲，最後就係我既"傑作"前留影，你睇咕咕妹玩得幾開心~ 最後一個遊戲就係掃地高爾夫，係要將唔同顏色既波波掃入指定既洞位! 又係個句，由於佢太細，所以佢係唔明做緊咩，但佢第一次拎掃把，感覺係好新奇，想知係用黎做咩，所以過程中教過佢一兩次後，佢就學識左掃呢個動作，唔錯唔錯~~好快可以幫媽媽打掃屋企架喇~ 好喇~而每次成功完成一個遊戲呢，都會有呢張卡架~係有獎勵架~就係可以去呢個PHOTO BOOTH影相留念喇~如果4個遊戲都成功完成就可以影4張相架喇~如果無挑戰成功都唔緊要，可以用1個代幣去影架~ 講 開代幣，每個遊戲都係要用3個代幣玩，而每個代幣係$10，收益係捐去慈善機構，所以都幾有意義架~ 不過講真既，今次既遊戲係岩3歲以上小朋友玩，咕咕妹都真係太細既，但當一個小小既經驗囉~而好快不久既將來，香港兒童玩樂節就會再次舉行，下一次舉行時 大家一定要密切留意喇~ 是次活動由主辦機構邀請
