我諗大家聽到個油字未睇我文章都應該驚左一半，無錯油係好可怕，但油都有分好同壞，就好似膽固醇都有分好壞 啦~壞既當然要除走，但好既幫到手之餘仲反而令你更好既，咁點解唔一試呢? 早前CarTungBaBy就參加左由Bio Oil舉辦既Bloggers event，認識同真正了解左Bio Oil既成份同用法仲有好處，係度同大家分享一下啦~ 當日既選址都好特別，係一間Cafe同花店一齊既鋪頭，而一入到去，就有職員問我想飲咩花茶，當日有三款茶，全部都係Bio Oil有既成份之一既花，有心思~而我就揀左洋金菊! 而入口處就放左好多Bio Oil既大pops，真係好大，有我半個或更多既人高，真係置身係Bio Oil世界咁!!! 而 開始之前，我亦有試下Bio Oil，感覺好花味，亦都真係好精華油感，而當日因為我手好乾，所以用左幾滴係手度，好快我手指邊既乾皮呀，乾紋都無晒，而且佢唔似得HAND CREAM咁搽完好笠，雖然係油，但反而清爽! 而佢亦分左3個SIZE，大中小，個人非常鐘意細SIZE，方便有出街! 而同時Bio Oil亦教我地分別真假，真既Bio Oil盒底係會有MFG日期(即生產日期)，如果無就知係假啦~~~ 到活動正式開始喇~首先由化妝師為我地示範一下點樣利用Bio Oil係我地身上發揮佢最大既效用，首先係敷面膜，先將面膜紙同用Bio Oil浸濕，之後敷面10-15分鐘，其間用手按面加促吸收! 係敷面膜期間，大家仲可以為對手敷mask，先用Bio Oil搽滿雙手，之後再用上手套，敷亦都係10-15分鐘!敷完後，大家記得要按摩雙手，令D油更吸收呀! 而除左用係護膚上，用係化妝上亦都可以，大家可以係化妝前，亦可以用Bio Oil打造一個光感韓妝，Keep住成日都神釆飛揚啦~ 點擊圖片放大 +2 之後亦有唐寧為我地分享一下佢懷孕，瘦身既一D心得，而且仲可以點樣keep住童顏，講真，真係唔覺得佢係2母之子，真係好瘦亦好年輕，望落似廿幾歲，真羨慕!!! 之後就係工作坊時間，我就揀左整乾花燈泡，我感覺係好新奇，因為佢下面係可以著燈架~而整既過程唔係好複雜，只係需要少少工具啦~不過都有少少危險架，所以係屋企唔好亂試呀!!! 而最後當然係有Bio Oil既禮物盒，收到我真係覺得好驚喜，勁靚呀，而且仲有我好想要既手套TIM呀~ 而當然我就馬上試用啦，我個人覺得試個妝係最明顯，就試下個妝啦，化之前需要預備一支Bio Oil同一支掃，呢個係我完全素顏look黎架!!!! 化妝前我已清潔好皮膚，之後只係用爽膚水拍面，就直接滴幾滴Bio Oil係面上，用掃推開全面，而T字位我會掃少D Bio Oil!皮膚都唔係感覺好笠架咋~ 之後就直接上粉底液同粉餅，個妝真係比以往我只係搽精華等舒服同清爽，而且泛油情況改善左，因為皮膚夠滋潤，所以整個妝望落去係好有光澤，但又唔係油笠笠個種，就好似打左燈一樣~~~ 好喇我既分享就到呢度，希望大家鐘意啦~ 以上活動及產品試用由品牌提供
