自之前試過shu uemura既卸妝油之後就愛上, 之後基本上都係用佢既卸妝油, 無用過其他牌子喇~~~而今次試用既卸妝潔顏啫喱 簡直係中左我既心~至於雙色塑型眉粉真係唔試唔知佢好用成甘, 想知點解我覺得佢地甘好, 就快D睇我以下既分享啦~~ 全新既卸妝啫喱易於控制，可以一步就徹底溶解防水妝、肌膚雜質和污垢。配合嶄新「雙重水份磁石科技」，可以提升肌膚細胞鎖水力，洗出水漾清新素肌。盒上同卸妝啫喱上包裝都寫明用法, 睇圖又得, 睇字又得, 得左! 啫喱狀質感易於控制，係面上按摩後，可加水乳化，徹底溶解防水妝、肌膚雜質同污垢。其實我真係估唔到佢係白色，但係面上打圈按麼唔夠10秒(中圖), 就由膏狀變左油, 由白變透明~而我個人習慣呢就唔一定係化左妝先用佢, 有時出好多汗, 面好多油, 或感覺好污糟, 我都會用卸妝啫喱, 因為感覺係真係比一般洗面洗得更深層, 同埋洗後亦都唔會令皮膚變乾(右圖)! P.S: 去旅行而家就更方便喇~帶一支啫喱就可以喇!!! 至 於雙色塑型眉粉, 我真係覺得佢係畫眉初學者既恩物, 我自問我自己真係唔太識用眉筆畫眉, 我最最最怕係畫到好似畫公仔甘, 變左粗粗眉(好似小新甘), 所以盡可能我都只係掃下條眉等佢順D就算, 但呢盒眉粉, 佢一盒已配好一深一淺既色調, 再配合埋佢地既眉掃, 就可以好易畫出靚靚美眉架喇~ 其實點解我話易呢? 因為佢盒內有張膠片都已寫明, 用法, 記得唔好掉左佢呀~等佢真係畫熟左先好掉呀! 唔知點用都唔緊要, 跟住我一齊畫啦~ 首先用眉掃既末端沾上淺色調既眉粉描畫眉形。之後係眉既中央掃上深色調既眉粉，營造自然立體感。 2者對比下先, 左面係畫好左, 右邊係未畫, 分別都好明顯下, 而且感覺都幾自然, 順眼! 好喇右圖係我既全相, 大家睇到係咪都覺得OK呢~~~ 好喇我既分享就到呢度, 希望大家鐘意啦~ shu uemura instagram: http://instagram.com/shuuemurahk shu uemura Facebook Fan Page連結: https://www.facebook.com/shuuemura.hk shu uemura網頁連結: http://www.shu-uemura.com.hk
