呢個夏天, CarTungBaBy收到一個有趣既邀請, 唔係做facial唔係做按摩, 而係清潔背部既一個treatment, 真係好吸引, 所以去試做, 當日去既係Aquarius Beauty Care荃灣分店, 地點唔難搵, 就係千色匯上面17樓, 而Aquarius Beauty Care亦都幾間分店, 唔一定要去荃灣既, 只係我就腳~哈哈! 一去到, 首先佢地既職員就遞上好好味既柑桔熱飲, 真係好少可, 平日如去做按摩都係只得花茶, 呢次有柑桔熱飲確係有點心思!而除左有熱飲外, 佢地既治療師亦好細心講明成個treatment會做d咩, 有咩步驟, 大概有咩感覺同埋效果! 之後就帶的入去locker位置放好自己個人物品, 佢地既locker室真係好整潔, 而且亦有梳裝枱同整髮用品俾客人做完treatment後整理自己儀容!最值得一提係, 我平日去做按摩都唔會提供紙bra, 呢度係有埋, 等你真係做完treatment後起身都唔尷尬, 真係好貼心! 入到房間, 同樣感覺舒適, 以一個treatment房, 呢個size就真係岩, 有d房真係一架機都放唔到, 都唔知點做, 呢間房就又大又舒服喇~ 做之前俾大家睇下我既"肉"背先~唔係好污糟, 亦無咩暗瘡, 但之後你就會見有咩問題架喇~ 用到既精華有呢d, 而佢地首先會用呢支小小既精華(一次一支), 黎幫客人全面清潔一次個背部~ 清潔時會係背部打圈, 之後用濕棉抹走背部表面污糟野~ 之後就會用到呢架機去做, 呢架機會噴出微量既礦物鹽, 之後再用上佢附既棒棒, 係背上來回打圈, 做一個磨沙既步驟, 用既力唔會好大, 鹽粒亦唔粗, 所以唔會有不適既感覺~ 大家都見我背有灰色呢~無錯, 呢d係我背部底層既污糟油脂, 亦係用同一部機既棒棒起出黎, 大家可以睇下2邊對比下就知表面乾淨, 但內裡都係有污糟架~ 之後就用呢部機將空氣中既氧份抽出再注入背部, 為背部皮膚保濕!做既時侯會感覺涼快~好舒服! 之後做完後就用上呢隻品牌既果酸, 做一個換膚既程序, 搽上去初時有少少吉吉地既感覺, 但2分鐘後已無呢個感覺, 而整個果酸只係會等5分鐘, 太耐會反對皮膚唔好! 而成個程序大概1小時完成, 做完之後自己摸個背都覺得真係幾滑, 呢個treatment個人認為最岩新娘子, 背有暗瘡既人士做, 效果一定非常明顯!!!好喇我既分享就到呢度, 希望大家鍾意! Aquarius Beauty Care facebook : https://www.facebook.com/AquariusBeauty.hk 以上療程由品牌提供試做
