好多人都知我係一位在家工作又要照顧咕咕妹既媽媽~想講句真係少d體力都唔得,而隨住咕咕妹越黎越大個,佢 既餵食工作係更加麻煩左,例如一日要有2餐係食飯仔,而正正係呢個問題,以往我都係用好似電飯煲仔既物體就甘放d瘦肉,米同幾片菜就煲,咕咕妹就只可以就 甘食d飯同食到d食材既味道,呢個情況對bb係其實唔好,唔夠營養架~~~但無法我太多野做,而且用個個煲要煲成3個鐘, 試問甘樣仲邊有心機時間搞丫~~~直到我遇到Babymoov 多功能料理機,咕咕妹既餵食餐單終於有救喇~ 講少少Babymoov背景啦,佢地係法國品牌,設立於1997年,主力開發嬰幼兒產品! 開 箱時,你會以為嘩咁大座,好大件wor~其實唔係佢2個主體係可以分開,而且功能好多,例如可以蒸野,攪拌,暖奶,蒸烚奶樽同解凍,真係有佢一部機就夠 晒! 除左甘之外,盒內仲付有圖解說明書同bb食譜都係簡單易明易做,連我呢個懶人真係只係睇左說明書2-3分鐘都知佢既操作,絕對唔需要怕要先睇一大堆文字~ 嗱佢既配件主力係有蒸籠有攪拌器,蒸籠用法同坊間有既無異,想了解佢蒸煮食物既功能可以去以下網址: https://www.facebook.com/362036180607998/videos/vb.362036180607998/462599587218323/?type=2&theater 我 主力係想講佢點樣方便同快捷製作bb食譜,以下呢個係米糊食譜,係俾6-8個月bb岩用~1.先用蒸籠蒸熟紫薯,之後就將蒸熟左既紫薯放入攪拌器搞20秒 左右,記得一定要加暖水,如果唔係攪唔到,之後倒入已沖好既米糊中攪伴即可,點解我會加紫薯呢,一來因為佢甜,BB會鍾意食,二來佢好高纖,BB就無甘易有便秘問題啦~ P.S: 就甘開著部機就已經係攪拌模式,攪拌時只需按住攪拌杯旁既按扭就可以攪拌, 但每次按按扭時間都唔好超過20秒,免得機件過熱呀~ 第二個係我有日見雪櫃餘下既材料整既~~~有木瓜同豬肉,其實除左魚肉, 薯仔之外,大家可以就甘將肉類同蔬果唔蒸就甘放入攪拌器攪爛之後放係米上加上煮飯/粥仔~ 米既分量就係大概約以下量杯甘多,甘樣都可以煮到2餐分量,而多左既一份,我會夜晚時再用返蒸籠蒸熱返俾BB食~而將攪好既食材鋪係米面上再加水(自己因應,好難講到分量),而 以下步驟好重要要留意,蒸之前需要加足夠既水(接近全滿)係底座之後放好隔水版,唔需要湯盆同蒸格,直接放放好材料要去蒸既碗係隔水版上再用佢本身既蓋蓋好蒸30分鐘,30分鐘後如果都係覺得唔夠淋可以再蒸多10分鐘,如飯仔太乾身 ,就可直接加多少少熱水係飯仔攪拌! 飯仔飯仔 呢個做法真係太簡單方便,而且BB可以連肉同菜都一齊食埋又唔會怕太大而唔識食,所有營養都吸收晒 ,而且仲比一般粥飯仔更飽肚,唔需要提前食下一餐,非常好呀~你睇咕咕妹食得幾滋味~ 除左上述呢個食譜,我亦都試過好多例如蕃茄豬肉,粟米雞肉蛋,蕃茄蛋,雞肉西芹等,而家既餵食工作變得方便又有趣,所以咕咕妹日日都試到新野,而如果你真係諗唔到點配搭都唔緊要,可以去盒面上有提過既BLOG度睇下佢地有咩好介紹架~ http://www.cookingbabyfood.com/ 而除左BLOG之外早前Milk B呢本雜誌都有介紹過,佢地每個星期六早上10點都有免費烹任班,主要都係用佢地既呢一部機黎做出多樣簡單食譜,有興趣既朋友們可以去以下既地點join佢地架~ <img alt="" src="https://fbcdn-sphotos-a-