有一陣子無係BLOG同大家見面既咕咕妹上個星期六獲邀請出席美素佳兒FRISO COOKING PARTY，我地都獲益良多，咕咕妹就識左幾個新朋友仔，而我就學多左幾個簡單既BB米糊食譜整俾咕咕妹食~就一齊等我地回憶返當日既情況啦! 上課既地點唔難搵，係太古城站出閘後行約10分鐘就到，而上到上課樓層後沿路都有指示牌! 去到會場後，已見到好多媽媽同BB們大家交流緊心得，亦見到大會好細心為媽媽同BB們準備左好多小食同玩具，而四周亦可見佈置得好靚，當然重點有美素佳兒既奶米糊啦! 而百厭既咕咕妹亦忙去搞會場既波波~ 大家一輪既小交流後，活動正式開始，由大會司議為大家講解一下活動流程，活動中會煮3道菜，頭2道菜式會由媽媽負責，而第三道就由爸爸負責，最後就係試食時間! 而係度都簡單講下美素佳兒米奶糊啦~適合6-36個月BB食用，佢加入左荷蘭既優質奶粉，味道同配方奶粉相近，俾BB容易適應。係屋企或出外沖調都同樣方便。而細滑適中既黏度，亦可以幫助刺激BB咀嚼同學習吞嚥既技巧，等BB轉食固體食物既過程更更順暢。 而美素佳兒亦都請左有名的day day cook主持 Thomas來教我地點樣整一d簡單既米奶糊食譜~ 第一個食譜係整奶米糊布丁，望落去材料以為好多，但其實好簡單，只係放好所有材料係一個焗杯內就可以，既簡單又方便 ，而呢個食譜就岩晒1歲或以上既小朋友食喇~ 準備入焗爐焗之前來個全家福先~~(小妹妹你脈望去邊呀!) 之後就繼續第二道既菜式，今次就適合9-12個月的BB食，我個人就最鐘意呢個食譜喇~因為顏色鮮豐，而且我又最鐘意食蔬果類，呢個有紫薯又有南瓜同波菜，夠晒多纖維，大人同BB食左去便便都一定好順暢呀! 第三個菜式食譜簡單~就由爸爸去負責啦! 好喇~我需要整既部份完喇，而之後就辛苦爸爸們去整喇!與此同時我亦見到咕咕妹係四出不停搞搞陣架~ 爸爸整完之後，我同時亦都散晒喇~係時候要補充體力喇!有得食喇~頭先整好既野食一一係面前出現，咕咕妹見到都有D等唔切，心急想食喇! 講真，如果唔同我講呢個係米糊整既，個布丁同個彩虹奶米糊我係一D都唔覺得似，似係大人食既食材去整，而我亦都有一個大眾既想法，就係以為米糊只係俾6-8個月BB食，之後就食粥仔就可以，其實幼米糊所含既營養更多更齊全，就算大個少少9個月-3歲既BB已轉食粥仔，亦可以俾米奶糊作小食，俾返BB每日所需既營養補充! 最後咕咕妹食飽飽都係搞搞陣架! 而最後我地每個家庭都得到豐富既禮物，大家真係滿載而歸呀! 是次活動及禮品由美素佳兒邀請及提供
