咕咕妹黎到今日都差唔多1歲喇~好多人都問我，到底佢平時玩咩多呢?有無上playgroup呀~~答案係 佢係無上playgroup，而平日佢係"玩書"多架~事關係我係一個買書控，成屋都真係書，有字無字都好，而咕咕妹出左世之後我更加係主力買小朋友書， 可以話買小朋友書係好花時間心機既一件事，因為要岩佢同埋引起佢注意係好難既事，但好在既係因為我係家中買左一推書仔，而佢亦可以隨時都拎到黎睇或者玩， 可能係甘既原因，佢而家開始唔再係玩書而係真係拎一本書去某個角落自己翻頁睇，見到佢甘總算無白費我既心機，而亦都因為甘既原因，前陣子因為我買得太多而 逼不得意要放售我部份既"寶貝"出黎，而最意想不到係2日內就已經有人同我收留左佢地之餘仲想再經我幫佢地買多套，於是就設立左悅閱寶，一個係我同大家分享好書之餘亦都放我d寶貝出黎既平台，希望大家俾面支持同幫手like and share我個page, 由於小店新店開張，所以好快就會搞giveaway活動， 大家記得要密切留意喇~ 悅閱寶 : https://www.facebook.com/happyreadingtime 好 多人都有問我買左本書返黎都要佢肯睇先有用架~其實第一點我覺得係家長要明白，佢真係仲係一個bb，就算你本書無字佢都唔會明白架，所以我建議第一步係先 買只有圖片同一個單字既書或者係玩性質重既書，先引起佢既注意，第二步就係放係佢平日可以就手拎到既地方!就好似以下介紹既書本甘! 可愛動物插卡圖書(一套4本):可讓寶寶學習不同場合該穿什麼衣服或應有的動物, 可愛的動物插卡加上有趣的提問方式, 是家長與寶寶間最好多親子學習時間!適合1歲或以上小朋友 產品link: https://www.facebook.com/happyreadingtime/photos/a.1632644870305330.1073741828.1632627916973692/1632644793638671/?type=1&theater 而呢2本就主要係以單字為主，每本都好大本，可以話係叫big book，而佢每本學習既生字都好多好多，家長可以同小朋友一齊睇，家長指住個個圖片讀個生字出黎俾小朋友聽，我自己就習慣當佢好似生字卡甘，每日5分鐘教佢呢幾本書既生字! 甘當然啦，小朋友都有乖有naughty既，如果佢真係聽唔到你講幾分鐘，甘可以試下同佢玩呢d有磁石既貼貼書，小朋友可以將旁邊既磁石貼貼係磁版既個一面，初時就由佢亂玩一通，原因都只係想由佢對書唔好甘抗拒，慢慢等佢大個d就可以叫問下佢放係應有既位置，我女雖然唔識，但佢好鐘意玩呢本書仔~(尤其係換衫個本)，而我亦都會從旁講俾佢知唔同天氣同場合應該要著d咩衫! 上面介紹個d都係等到佢1歲我先真係同到佢玩，而以下介紹既呢都算係一d啟蒙既書仔，都係我係咕咕妹4-5個月時買~同樣都係佢聽唔明唔使逼佢坐定定聽，佢幾時悶就由佢玩第樣野，而另一個咕咕妹會自己想睇書既原因係，佢覺得書好玩多顏色，有神祕感可以滿足到佢八卦既心態，所以啟蒙書仔(6-12m+)，我建議可以揀d有好多位可以揭起既書就好似呢2本甘~ 佢本身無咩字，但揭起左就有個生字，家長又係可以等佢揭邊格就讀邊格佢聽! 另一樣想引起佢注意既就係發聲既書仔，除左睇書之外亦有聲，更加可以引到佢日日去拎同一本書仔去睇下玩下，而呢d發聲書除左睇之外，亦都訓練佢小手指肌肉，開頭佢係按唔到發聲個按扭，但大概過多一兩個月左右佢就自己按到架喇~ ，更 另外好多人都話6個月開始就同bb講多d故事，而以下2本我就當睡前故事或者有時佢唔想玩玩具就會講佢聽，當然家長唔係照讀啦，而係自己自導自演甘講啦! 後感:以上分享都只係我家冰山一角既書仔, 之後陸續有來!!!而唔好睇小細個培養閱讀習慣， 真人真事發生係我朋友身上就係，佢個bb(而家讀小一)，細個只玩玩具or電話到佢2歲左右，原全唔會掂同睇本書，一見到本書就喊同掉，而家小一喇，生日 禮物或媽媽買書俾佢，收到之後都會整爛佢!所以真係唔好令bb有甘既抗拒，而我亦都希望透過悅閱寶搜羅更多好書俾各位媽媽，貨量同購既不多，只係想各位 bb都有岩睇既書去培養閱讀好寶寶，請大家支持悅閱寶啦! https://www.facebook.com/happyreadingtime
