由於CarTungBaBy真係成日都足不出戶，所以我真係真係好需要網購!而我真係購左甘多次，都好想黎個大比拼，對比一下以下網店既質素如何! 大比對一 價錢:可以都肯定講Gmarket同ZALORA既價錢大家都不相佰仲，而淘寶當然係最最最平架啦! 大比對二運費:一定係ZALORA勝，因為只需$150就包運費，但Gmarket及淘寶都係按重量而計算! 大比對三時間:也一定是ZALORA因為今日訂，聽日或後日已收到，Gmarket至少一個星期，淘寶就集運一個星期，如用直送都約3-4日先收到! 好喇~不如對比下d質素啦~衫就一定唔使講，我係一定唔會再淘寶，真係得個平字無質素可言，因為試過買返黎係臭之餘亦洗唔去其異味，而Gmarket既質素係好好但好多都好貴(就算扣左coupon)，一件加埋運費都過百，而ZALORA就係歐美有名大牌子質素好之餘價錢有好多都係唔使100就有交易架~ 好再比對下我上次買返黎既袋先~(左圖)黑色係淘寶(好似係99人仔)，(中圖)啡色係Gmarket(好似2xx港幣)，(右圖)米粉色係ZALORA(好似係6x港幣) 先睇淘寶貨，以呢個價錢係淘寶算係唔差，但我覺得個料唔好lor，好重身之餘皮面好粗糙，而且中間扣位好差，成日都好難開合，但內里做得都叫ok~ 第二個係Gmarket，講起我都有d嬲，我幾鐘意佢呢個光油面啡皮袋，成二百幾都未計運費，但我只係用左幾次個袋扣就甘樣，但佢既皮好滑身，手感好好，但個內里又係麻麻地，d布好易變黃~以呢個價就真係唔多值! 第三款係ZALORA出品既，講真呢個袋真係唔似甘平，又甘大，佢皮面好滑好靚，而且佢d扣位唔太易甩色，內里布位亦都幾好，唔易會變黃同變舊! 第三樣比試鞋子~(左)藍色係ZALORA(好似係1xx港幣)，(中圖)啡色係Gmarket(好似2xx港幣)，(右圖)白色淘寶(好似係13x人仔) 又先講白色淘寶個對，入面個位做得好差著對腳都唔使要，入面粗到會令對腳起晒水泡，而且我只係著左2次就好似好污糟甘喇~但個鞋面幾靚! 第二對Gmarket d料同車工都做得幾好，只係個鞋底太薄，著得耐會腳痛同埋貴左少少，有點要留意就係係Gmarket買鞋有d似估大細，佢地既鞋普遍偏細，但唔知要買細1定2個碼，所以要博，好彩我就博岩左~ 第三對就係ZALORA喇~呢對鞋我差唔多日日都著，因為佢好舒服，個鞋楦做得好好，而且鞋面上既石如果唔見左都有得補，只係個鞋底易蝕左少少，但日日著都係甘上下，呢個都好難避免! 好喇相信我講左甘耐大家都心裡有數知道邊間好D，甘我既分享就到呢道，希望大家鐘意啦~
