仲記得上次CarTungBaBy去左Clinique既 event嘛?今次就係一個試用既分享，真係唔講都唔知原來簡單2支唇膏就可以令一個女人由小女孩變成成熟女人，而家就睇下我點樣有呢一個轉變啦~方法好 簡單，先準備好材料先，有唔同色既Pop Lip + Primer同埋Cheek Pop花之戀光感胭脂，好開始喇~~ 今次我試用既Pop Lip + Primer只要塗上一次，就可以成日都留係唇上持久不變，簡單方便，唔使成日補裝，又或者食完野之後唔記得要搽返。而且本身支唇膏含高度滋潤修護既唇部底霜，所以好似搽左潤唇膏一樣甘滋潤架! 而今次試用既有10號punch pop ，05號色既melon pop同埋11號色既wow pop 首先俾大家睇下未搽唇膏既我 ，原來唇色都幾白，真係唔多紅潤，有d似血氣不足甘~ 先由淺至深試起 ，由Melon pop開始，如果普通去街，呢隻色都幾好，唔太誇得黎又同我唇色接近 ，做到一個裸妝既光澤感，我個人最愛呢個顏色! 第二隻就係wow pop ，如果有d 聚會或同老公出街拍拖我都會選擇搽呢隻色，因為望落去會青春，而且好似有一種尋回以前那些年既時光甘~ 而且搽上去真係無想像中誇張，就算返工返學都接受到! 第三隻就係punch pop ，呢隻係我覺得自己搽左有大轉變既色號，真係望落去女人味多左好多，而且帶一點sexy的感覺 ，連我老公都話我搽左呢隻唇膏之後都想錫我一啖! 好喇當然就甘搽單色 ，甘呢支唇膏既可用之處就變得好少，但呢支係可以玩雙色有變化既唇膏，好就玩幾個俾大家睇下先~ 第一個係上下唇唔同色，上次係個聚會學左點搽，今次就學以至用，玩一次係自己個咀咀度先~上唇係WOW POP下唇係PUNCH POP，2者柔合一齊，都幾靚，亦唔會覺得上下唇有太明顯既差別~ 另一個配搭係淺色少少~係MELON POP同WOW POP組合 ，我先搽左WOW POP做個BASE，之後係上下唇中間位置印上MELON POP，再上下唇緊合一下BLEND均少少2色，就做到以下效果喇~ 第三個係我先搽WOW POP做個BASE ，再係唇中間位置掃上PUNCH POP，打造一個性感咬唇妝~ 好喇玩完個咀咀 ，係時候到塊面喇~上次介紹過既Cheek Pop花之戀光感胭脂，佢有一個專利技術研發既膏狀質感，係面上推開之後會變成粉末，令人唔易脫粧! 說真以呢個質地真係唔太似一個胭脂 ，因為佢係有少少似膏狀，而且用掃掃又唔見有好多胭脂係掃上，但神奇既事發生喇~ 竟然輕輕掃一下上面就甘明顯見到(中圖)，而且呢隻色仲好自然，似係皮膚透出黎既紅(右圖)~ 成個感覺好自然 ，連身邊朋友都唔覺得有化妝，以為係我皮膚帶有紅潤，直頭係神級裸，化左你都唔知~ 用完真係愛上呢個Cheek Pop花之戀光感胭脂啊~ 好喇~我既分享就到呢度 ，希望大家鐘意啦~以上產品由Clinique提供試用
