見我成日都分享護膚同化妝既心得，好似真係好少理個咀咀既護理，而今期收到既ETUDE HOUSE粉紅盒子就知道大家有呢個忽略 ，特意就送上一系列既護唇產品俾我地試用，實行有一個完美咀咀~今次既試用有Cherry Lip Gel Patch，Kissable Lip唇部磨砂，Woo Baby唇蜜同埋2款唔同顏色亦都係最新推出既Colour in Liquid Lips既PK002同埋PK006色! 順住個護唇程序做啦~第一步當然係清潔啦~所以第一樣用既就係Kissable Lip唇部磨砂，佢可以好溫和咁清除唇部老廢角質，而植物凝膠搭配細緻糖砂，輕柔按摩護理出柔軟滑嫩既雙唇。 而用法都好簡單，先取出適量唇部角質磨砂膏，係唇上沾上少少水，之後將唇部角質磨砂膏係唇上輕柔按摩後，用微溫水沖淨。 一星期用2-3次左右，但對粒粒有刺激感時，要即刻停用呀。 Tips: 我自己就會用濕棉花黎整濕咀唇 我感覺用完之後個咀唇係滑左好多同埋係軟左，而唇上既紋都變得無甘明顯，而每次用時我除左按摩個唇部之外，我亦會按摩埋唇部周邊既位置，例如咀角，咀下面近下巴位置有白頭既地方，實行物盡其用呀! 而去完角質之後就要俾返d水份同營養個咀唇，Cherry Lip Gel Patch，以我所知，市面有既唇mask真係唔多，好多都係lip bump當埋mask用，真係一塊gel mask 只係for唇既就真係好少，而Etude House既唸款lip gel外型就真係好可愛，除左可愛之外佢仲 蘊含櫻桃萃取精華，為乾燥暗沉既唇部注入營養同水份，而有吸力同冷卻效果既gel可以幫助咀唇吸收養分，而大範圍既嘴唇造型設計兼顧唇部同唇周肌膚喇。 用法：將gel mask敷上10-15分鐘，取下唇膜後給予輕盈拍打，幫助殘留物吸收，用既時候最好用手指hold一hold個mask，因為敷既途中都會滑下，而我自己就最鐘意雪左之後敷，感覺更加舒服! 對比一下左圖係未敷，右圖係敷後，好明顯見到係敷後既唇係紋無甘多而且飽滿同粉嫩一d! keep住個咀靚就要俾多d水同營養佢，所以用埋Woo Baby唇蜜就perfect喇~ 佢可以俾到咀唇光潤同緊緻感，令咀唇更飽滿突出! 佢既唇掃有別於一般係毛質，而係改用左軟膠棒狀，更容易將唇蜜掃上唇上~ 睇下，效果真係好閃亮，如果有時唔想搽唇膏唇彩想自然d，用Woo Baby唇蜜都係一個唔錯既選擇! 而最後就係妝容喇~護理到個咀咀甘靚，無非都係想佢係人前展現光彩，最後就係要介紹最新既Colour in Liquid Lips，佢係一支唇膏同唇彩既混合版，佢無唇彩甘油笠亦無唇膏既乾裂感，係兩者既優點所集於一新既唇釉! 水潤輕盈既柔軟質地，含杏仁油同葵花籽油，猶如水分般滑溜上色，滋潤唇部肌膚，柔軟不留痕，塑造驚艷飽滿唇色。 搭配獨家心動唇形刷頭，可以一次輕鬆描繪唇彩，展現不留痕既鮮明唇色。 先試左PK006俾大家睇(左上同右上)，非常鮮色既粉紅，感覺有點螢光，本以為搽甘實色會好誇張，但又無wor， 整體感覺真係好有韓星既味道! 而PK002(下左同下右)就岩似返工返學既顏色，感覺好少女FEEL~ 而我整體既韓LOOK~真係搽完自己都有D自戀!上左同上右係PK006色，下左同下右就係PK002色! 好喇我既分享就到呢度~希望大家鐘意啦~ 如果想了解更多Etude House既產品可以去以下網址架: http://www.etudehouse.com/ 以上產品由Etude House提供試用
