今日係大件初四,有唔少打工仔聽日又要返工喇~但CarTungBaBy得老闆既皇恩可以放到初八先返工~咁係度我祝大家新一年新年快樂同埋青春常註啦!但無論返工定唔返工,自己既儀容都唔可以麻虎, 所以我就用左Etude House好甜既朱古力系列黎迎新春喇! 首先要介紹既係Give Me Chocolate系列既浪漫華麗指甲彩(情定朱古力限定版),愛戀限定版,混搭多種甜蜜滋味,打造戀人心中的定情色調,指間流露出藏不住的戀愛氛圍。平日我真係好少好少會搽甲油,但難得新年就玩下啦~ 本來我以為一打開蓋會有好大陣既天拿水味,但完全無,反而有微微既朱古力味,好岩我呢d有BB係家既媽媽搽!而且都幾易上色同推開,亦都唔會出現不均既問題,所以搽一層都OK架喇~只係如果想再實色D就可以再搽一屠, 而新年想加氣氛可以痴D貼紙係甲面架! 之後就係面妝喇~首先要為大家介紹既係超好用既Beauty Shot Face Blur,佢係一支3合一多重柔光效果,有效優化光線,打造出平滑光整既無瑕美肌。用左就好似為肌膚打症燈一樣甘亮白,而且仲可以遮到毛孔,令皮膚唔使修圖都有美圖效果呀! 用完Beauty Shot Face Blur就可以配合埋Precious Mineral Moist ANY CUSHION,升級高保濕版再添加強力鎖水效果既猴麵包樹液,玻尿酸保濕成分比原本粉凝霜高出4倍,可以令妝容更服貼、水潤感倍增! 今次試用既係W13色號,係屬自然色系,我之前都有用開Etude House既any cushion, 今次既any cushion印上粉既時侯感覺硬少少! 但搽上面真係好明顯俾未升級既滋潤同埋柔滑~而且用後整體妝容好有光澤,唔需要再補碎分都唔會覺得好笠好油!~而出左一日街後,都唔會話面上好多油,感覺仍然好清爽! 底妝化好之後,最後要介紹既產品就係Give Me Chocolate系列既眼影,今次試用既係CHERRY TRUFFLE 同埋 CACAO FUDGE朱古力搭上曖昧亮粉,溫和水潤既粉紅色調,而原味既朱古力,搭配閃亮耀眼既透明金黃色。 首先試左個CACAO FUDGE,十分大愛佢金色既閃亮底色,先用金色大量搽係眼窩位置,之後再用朱古力色搽係眼線上既位置 ,整體感覺自然得黎又可以令雙眼望落更大更圓渾! 係大愛EARTH TONE色系既女士既不二之選呀! 至於呢個CHERRY TRUFFLE就可以化一個青春同可愛D既妝容,因為向來粉紅色既眼影搽左係令人感覺娃娃一D同埋後生一D~新年去拜年化一個娃娃感覺既LOOK都唔錯丫~可能利是都會收多幾封tim呀! 好喇~化妝就化到呢度喇~係時侯出動繼續拜年喇!!!! 以上產品由Etude House提供試用