唔該俾個菇，呀唔係，係包先岩~~~相信近日大家都聽唔少，最 hip爆既小食一定係佢，唐宮小聚既松露香菇包，事關佢外形似菇但其實似包，由於CarTungBaBy成日都聽身邊人講有幾好食幾好食，於是就一家三口 去試一次啦！唐宮小聚位於中環既L.place(即中環中心旁邊)，我地就揀左星期六既中午去，唔算多人到爆，亦唔需要等位。一坐底，就已經俾隻碗嚇親，因為本人係十分之怕呢d昆蟲野，仲要係個碗度，但望真d係花紋黎架~仲要個個都唔同款，大家第一次見時，唔好俾佢嚇親啊~ 而 當然即時就點左個松露香菇包先啦，如果真係唔認真睇，真係唔知佢係一個包！佢最認真係連個菇蒂都做埋出黎！而包面上既係可可粉，聞會聞到，但食既時候，由 於包內既黑松露及其他菇既mix埋已經概過個可可粉，所以係食唔到可可粉味，而個包質地就十分鬆軟，其實食一至兩個呢個包再食其他小食，真係已經夠飽架 喇~ 而 之後要介紹既，個名就十分威武，亦都感覺有d搞笑，就係叫[猛虎咬豬]，點解叫呢個名，聽講就係個點心主管比喻自己係猛虎，一啖就食左以五花腩肉做既包 點，感覺就好似咬緊隻豬因而得名。雖然係用五花腩做，由於佢炆到好淋，所以一d都唔會感覺好肥膩，而且入面既醬汁酸酸甜甜，帶有微辣，非常開胃同好食！ 最後我要介紹大家一定要叫既set，就係小食set，佢$98就包一份主打既小菜+2份小食，小菜有豬手，口水雞等等個d揀，呢d單點一份都$68，而家$98有多2款小食tim，當然甘叫先抵啦~我地就叫左佢既沙薑豬手，翡翠鴨卷同埋皮蛋豆腐。 先介紹個 翡翠鴨卷，感覺就麻麻地喇~因為食唔出有咩鴨既味道，而且外面既個個椰菜味太重，感覺有d似食生菜感覺，汁醬甜酸味，味道亦一般~ 反而呢個皮蛋豆腐就令我好有驚喜喇~首先豆腐切到甘薄再排開已經好靚，而佢上面既皮蛋係切粒再加入香料，令食豆腐時唔需要同皮蛋分開，而且佢個醬汁好好食，除左醋既酸味，亦加左麻醬，令皮蛋味更出，非常推介大家試呢個！ 最後就係呢個 沙薑豬手，都非常值得推介俾大家，因為佢唔似得出面既豬手甘大舊，佢係切到岩岩好一口一舊，而且佢既沙薑味好濃，我個人係食極都唔停口，有意欲去叫多份黎食架~ 食完以上既野，埋單承為二百幾，我個人覺得價錢算中上，但係中環黎講已經係一個算合理價錢，而我地食飽飽之後就一1齊行左去海邊個頭睇個新既摩天輪，最後送上大豬爸爸同咕咕妹合照！
