其實CarTungBaBy一路以黎都好驚一d細細隻係地下爬爬 或識飛既野，例如昆蟲呀...雀仔...係真...雀仔我都驚架，原因都係離唔開佢識郁呀，個樣有d衰呀同識飛甘lor，但有一樣 野，CarTungBaBy唔驚不單止，仲會放佢上面，講緊既就係蝸牛既黏液。其實初時興蝸牛時，我都抱住一個唔掂唔試既心態，但係一個機緣巧合之下，搽 左上面就覺得佢質地幾好，而且又無咩味，自此我就唔怕，唔單止甘，一見到蝸牛產品都會好想試同用，有種發狂既感覺，今次有幸可以試到TonyMoly既緊緻還原蝸牛系列，真係開心到不得了，有mask又有一系列佢既產品，正呀！ 首先睇返呢盒SET先,入面有化妝水,乳液,精華同CREAM,非常齊全! 每一樣既緊緻蝸牛產品都含有蝸牛黏液濾液,蝸牛黏液濾液可以提供營養俾疲勞肌膚 用完一好醒膚姐,先試佢個化妝水,質地都算厚D,係GEL狀,搽上面感覺好滋潤,而且持久度好足,搽左好耐都保持仲係甘濕潤 之後就用精華液,我非常鐘意呢個產品, 佢質地好薄而且搽上面非常吸收,皮膚即時見到好似飲飽水一樣 之後用乳液, 我感覺質地比較笠少少,但呢個天氣用就岩岩好夠,唔會太笠,而且仲會吸收得好快, 水份十分足夠!!!第二日早上起身都無咩油光架! 登 登登登，以下我介紹既係我十分推介大家一定要試既MASK，本來我都已經聽到身邊好多朋友讚，估唔到自己一試都愛上，呢隻MASK點解我覺得甘好，原因係 佢既GEL質地非常舒服，而且好貼面，敷完之後好明顯見到塊MASK乾左，皮膚亦都吸晒MASK有既精華，可以媲美出去做FACIAL效果呀~ 最後當然要用返個CREAM鎖住水份，另皮膚所有精華呀水份呀一滴都唔好流走，雖然個樣好似好厚身甘，但搽上面好易推開，而且會感覺好似有一層薄膜保護住D皮膚 用後感：感覺蝸牛既產品應該好笠，但係TONYMOLY既緊緻蝸牛系列好薄身，而且好易吸收，用完後皮膚好滑！ 以上產品由TonyMoly提供試用
