之前聽過好多人講，過左25歲之後，身體製造骨膠原既能力就會減弱，所以早係呢個歲數就好做好「對抗」皺紋既準備，而近日CarTungBaBy就收到隻唔錯既抗皺精華─ORLANE高效抗皺晚間修護再生精華素。一齊睇下我既分享丫！ 呢支精華之所以巴閉，原因係佢蘊含大米同大豆精華既長壽蛋白複合物，可以延長肌膚細胞壽命，促進細胞更新，同時修補受損細胞，唔單止甘，仲可改善膚色不均、浮腫暗啞等問題架。 我個人其實覺得，要發揮護膚品既最佳效能最最最好就係用一個牌子成套甘用， 就好似用返ORLANE既爽膚水去走皮膚上既死皮等污糟野。 再用佢地既基底液發揮同吸收之後搽既精華同CREAM 之後就係用佢地既高效抗皺晚間修護再生精華素，質地係GEL狀，比我想像中無甘笠，因為一般我用開既抗皺產品滋潤度都比較高，但高效抗皺晚間修護再生精華素無笠之餘，感覺佢係好吸收，可能因為佢同B21既基底液互相配合，所以可以好好甘吸收。而用左幾日，平日見到既細紋同乾紋已經係明顯減少。 大家可以睇下三日既對比，三日前(左圖)可以睇到我皮膚好乾同毛孔都有D粗大，而且都有乾紋。三日後(中圖)，皮膚明顯變得滋潤，亦都感覺毛孔無甘粗大，乾紋亦都真係減少左好多，成個人(右圖)感覺年輕左好多！ 用後感：ORLANE 既高效抗皺晚間修護再生精華素俾我感覺真係好高效，短短三日見到皮膚有明顯改善，而且唔會話真係一停用皮膚就馬上變差，係真真正正幫我皮膚由根底改善問 題。而雖然佢既價錢係比一般精華貴好多，但其實每日用既份量好少就足夠，而且只係晚上用，所以其實一支係應該用到好幾個月，所以其實相對黎講呢一支甘高效 既精華收呢一個價錢係合理！ 好喇我既分享就到呢度喇，希望大家鐘意啦！ 以上產品由ITRIAL提供試用
